LEXO PA REKLAMA!

SHKARKO APP

App Store
Google Play

Financimet ruse/ Berisha: Basha të bëjë transparencë, një herë e shpëtoi Edi Rama

26 Shtator 2022, 18:36, Politikë CNA
Financimet ruse/ Berisha: Basha të bëjë transparencë,
Kryetari i Partisë Demokratike, Sali Berisha

Kryetari i Partisë Demokratike, Sali Berisha ka folur në ldihje me skandalin me lobimin rus, ku është i përfshirë , Lulzim Basha.

Berisha nënvizon se ky është nja akt personal i Lulzim Bashës dhe se ish kryetari duhet të bëjë transparencë se ku i ka marrë paratë dhe kush ja ka dhënë dhe si i ka dërguar në Skoci.

Ndër të tjera, Berisha ka theksuar se dosja e Lulzim Bashës është mbyllur nga kryeministri Edi Rama.

Kreu i PD-së, thotë se asnjë qindarkë nga ato që thuhet se ka marrë Lulzim Basha nuk kanë qenë për PD.

“Dua tu informoj se ish kryetari ka pranuar sipas raporteve serioze financime ruse. Ky është një akt jashtëzakonisht i rëndë. Për PD, ky shkelmim është thyerja e një prej parimeve.

Nuk ka asnjë individ në PD, që të ketë patur dijeni për financime ruse. Në arkën e PD nuk ka hyrë dhe nuk ka dalë, sipas dëshmive të besueshme të Ristanit dhe Ilir Dervishit, asnjë qindrakë.

Është akt personal i Lulzim Bashës.

Së dyti në 2019 kur ambasadori amerikan më ka sjellë një dosje në zyrë, dosja s’ka patur gjë tjetër vetëm artikullin e Mother Jones dhe fletës që provonte se Ncik Muzin është loboist i PD-së. Në prill pas zgjedhjeve në 6 bashki disa bashkëatdhetarë tanë më kanë informuar se kanë firmosur por s’kanë dhënë asnjë qindrakë siç mashtronte Lulzim Basha për të financuar lobistët e tij.

Sot kryesia ka vendosur të ngrejë një komision auditi për këtë aferë. Ai po dëshmon mungesë përgjegjshmërie sepse është i detyruar të tregojë se ku i mori paratë kush ia dha dhe si i dërgoi në Skoci kur kanali bankar nuk ekziston. E shpëtoi një herë Edi Rama por kjo është një çështje shumë serioze dhe mendoj se nuk duhet ta trajtojë ndryshe, por të bëjë transparencë të plotë.

Së fundi dua të qartësoni çdo qytetar dhe demokrat, se Rama bëri gjithçka për të mbyllur dosjen.

U ndala për ta mbyllur këtë problem se komisioni do hetojë. Asgjë s’ka lënë në zyra ka marrë harddisqet”, ka thënë Berisha./ CNA.al

Lajmet e fundit nga