LEXO PA REKLAMA!

SHKARKO APP

Furtuna e arrestimeve në burgun e Fierit/ Baçi: Pse po shpëtojnë drejtuesit pa gjemba në këmbë

27 Shtator 2022, 10:40, Politikë CNA
Furtuna e arrestimeve në burgun e Fierit/ Baçi: Pse po
Deputeti i Partisë Demokratike, Luan Baçi

Deputeti i Partisë Demokratike, Luan Baçi, ka reaguar për arrestimet e punonjësve të burgut të Fierit për falsifikime dhe vjedhje.

Me anë të një statusi në rrjetet sociale, Baçi shtron pyetjen se si ka mundësi që drejtuesit e kupolës, shpëtojnë pa ju hyrë gjemb në këmbë.

Ai kërkon të dijë se si mund të akuzohen 18 punonjës dhe drejtuesit nuk kanë asnjë përgjegjësi.

Statusi i plotë:

Furtunë burgosjesh në burgun e Fierit si produkt i skandaleve me korrupsion e vjedhje.

18 drejtues të sektorëve të ndryshëm dhe punonjës të thjeshtë,që zbatojnë vetëm urdhrat në këtë institucion, arrestohen dhe vihen nën hetim!

Drejtuesit kryesorë qarkullohen dhe pas një përvoje të gjatë vjedhjesh dhe abuzimesh në drejtim, programohen diku tjetër për të vazhduar korrupsionin me ritme edhe më të larta!

Si ka mundësi që drejtuesit e kupolës, shpëtojnë pa ju hyrë gjemb në këmbë?

Si mund të akuzohen 18 punonjës dhe drejtuesit nuk kanë asnjë përgjegjësi?

Korrupsioni, abuzimet dhe vjedhjet, janë prezent në çdo institucion!

Shikoni Drejtorinë e Transporteve, atë që në gjuhën e përditshme qytetarët e quajnë drejtoria e targave dhe patentave!

Çdo ditë, prej shume vitesh vazhdojnë të vijne 4 inxhiniere "shumë të aftë" që nga Tirana, për të marrë në prova të gjithë ata që duan të pajisen me leje drejtimi!

Si ka mundësi që me një pagë 600 mijë lekë në muaj, këta zotërinj të përballojnë një lodhje kaq të madhe, me harxhim kohe nga mëngjesi në darkë dhe shpenzime të papërballueshme, për një pagë të tillë?

Pyesni qytetarët e Fierit, Mallakastrës, Lushnjes, Divjakës, Patosit dhe Rroskovecit, se sa paguajnë nën dorë për të marrë këto shërbime te kjo drejtori!

Pyesni qytetarët se çfarë heqin për të marrë një çertifikatë pronesie apo shërbim tjetër tek Katadastra e Fierit!

Pyesni bizneset se çfarë tmerri janë bërë për ta, tatimoret e korruptuar dhe hajdut të pa përsëritshëm!

Po për Inceneratorin e Fierit, megaskandalin e vjedhjes dhe babëzisë, ku janë përlarë miljona €, pse ka heshtje varri dhe fajtorët fshihen pas fijes së barit?

Ku është drejtësia e pavarur?

Furtuna e arrestimeve dhe fillimit të hetimeve duhet me patjetër kudo ku ka vjedhje dhe abuzime dhe këto janë të dukshme në shumë institucione, ku drejtuesit dhe shefat e tyre, janë arkitektet e skemave të përvetësimit të paligjshëm!

Ngrehuni dhe bjeruni hajdutëve nuk ka zgjedhje tjetër, me fjalë këta nuk kuptojnë më!/ B.A. - CNA.al

Lajmet e fundit nga