LEXO PA REKLAMA!

SHKARKO APP

Gara për bashkinë e Tiranës/ Jorida Tabaku: Nuk është në ambiciet e mia

27 Shtator 2022, 14:18, Politikë CNA
Gara për bashkinë e Tiranës/ Jorida Tabaku: Nuk është
Deputetja e Partisë Demokratike, Jorida Tabaku

Deputetja e Partisë Demokratike, Jorida Tabaku, është pyetur ditën e sotme nëse do të kandidojë për kryetare të bashkisë së Tiranës.

Tabaku tha në emisionin ‘Sot Live në Shqipëri’ se nuk ka ambiecie për këtë pozicion, ndonëse më parë ka qenë nënkryetare në bashkinë e Tiranës.

“S’dua të të gënjej që PD sot është mirë, apo është gati për të marrë qeverinë. Unë kam fokus kryesor kundërshtarët. Besoj do ketë kohë për të diskutuar edhe për kandidatët. PD-ja do të jetë oferta opozitare e zgjedhjeve lokale. Unë kam qenë nënkryetare në bashkinë e Tiranë si zv.kryetare, por nuk është në ambiciet e mia Bashkia e Tiranës. Jam në parlament dhe më pëlqen shumë ajo që po bëj. Kjo nuk më heq mua të gjithë opozitarizmin që kam bërë dhe bëj kundër Erion Veliajt. Bashkia Tiranë meriton një kryetar bashkie të denjë dhe do jap kontributin tim që të jetë kryebashkiaku i ardhshëm të jetë i Partisë Demokratike”, theksoi ajo./ B.A. – CNA.al

Lajmet e fundit nga