LEXO PA REKLAMA!

SHKARKO APP

KQZ “mbyll njërin sy” për Agron Kapllanajn/ Lejon kandidimin e njeriut të Bashës që u pagua nga inceneratorët

9 Janar 2023, 21:16, Politikë CNA
KQZ “mbyll njërin sy” për Agron Kapllanajn/ Lejon
Agron Kapllanaj

Komisioni Qendror i Zgjedhjeve “ka mbyllur njërin sy” për Agron Kapllanajn, kandidatin e Lulzim Bashës për zgjedhjet vendore të 14 majit.

Në mbledhjen e sotme KQZ ka vendosur se Agron Kapllanaj nuk ka asnjë pengesë për të kandiduar në zgjedhje, ndonëse Partia Demokratike ka ngritur akuza se Kapllanaj ishte dënuar në Itali për vjedhje dhe ka denoncuar tenderat që ky i fundit ka fituar nga Qeveria.

Kapllanaj është konfirmuar si kandidati zyrtar i Lulzim Bashës për bashkinë e Mallakastrës në zgjedhjet e 14 majit.

Përveç akuzave të PD-së për lidhjet me qeverinë, CNA.al ka raportuar më parë me dokumente se si Agron Kapllanaj është paguar nga kompania e inceneratorit të Fierit.

Konkretisht kompania “Shkëlqimi 07” ka nënshkruar një kontratë në 4 shtator 2021 me kompaninë koncesionare të inceneratorit të Fierit “Integrated Technology Waste Treatment Fier”, për kryerjen e punimeve ndërtimore, për një vlerë prej 79 milionë lekësh ose 70 mijë euro.

Gjithashtu, përveç parave nga inceneratorët, nga të dhënat e QKB-së dhe Thesarit të Shtetit vërtetohen pagesat që kompania e Kapllanajt ka marrë nga muaji nëntor 2013 e deri më 31 dhjetor 2020, nga tenderat e Qeverisë./ B.A. - CNA.al

Lajmet e fundit nga