Shembja e shtëpive/ Berisha: Po prishen për të ndërtuar pallate Kapllanaj i Lul Bravës

22 Janar 2022, 10:43, Politikë CNA
Shembja e shtëpive/ Berisha: Po prishen për të ndërtuar

Ish kryeministri Sali Berisha po zhvillon një takim me demokratët në Mirditë, ku është pritur në mënyrë të jashtëzakonshme.

Nga Mirdita, Berisha ka hedhur akuza mbi kryeministrin Edi Rama, duke thënë se qëllimi i tij është të lërë vendin pa opozitë dhe pa pluralizëm.

Gjithashtu, Berisha ka komentuar edhe shembjen e shtëpive në zonën e 5 Majit, ku thotë se po prishen për të ndërtuar palllate, ?Kapllanaj i Lulzim Bravës?

?Çfarë po shohim këto tre muaj? Atë që nuk e kemi parë kurrë në jetën tonë. Këto tre muaj po shohim se si po u rrafshohen shtëpitë njerëzve që e kanë ndërtuar me djersën e ballit, për të ndërtuar pallate bota e krimit, e bashkuar me Pallat Kapllanin e Lul Bravës. A mund të ndodhë kjo kund?

Pse është mynxyrë pseudopluralizmi? 800 mijë metra katrorë në Portin kryesor të Durrësit, duan të ndërtojnë pallate, një arab i falimentuar në shumë vende të tjera, me Edi Ramën dhe Lulzim Bravën.

Kush kërkon të na e shesë ne për pluralizëm Lulzim Bravën, Lulzim Bunkerin, Lulzim Kimikun? Çfarë lidhje kanë këta me lirinë e shqiptarëve?

Ne duhet të shporrim sa më parë nga pushteti këtë bandë dhe klikë kriminale.

Ne jemi sot në një moment kritik dhe kyç. Ose do i themi lirisë, liri, ose ne do rrokullisemi në honet e historisë dhe ky vend do boshatiset çdo muaj, çdo vit më shumë. Do konsolidohet narkoshteti, tha Berisha./ CNA.al

Lajmet e fundit nga