Përplasjet në PD “zhvendosen” tek KQZ/ Kaso kundër Logut dhe Sefas, reagon Celibashi

22 Janar 2022, 10:13, Politikë CNA
Përplasjet në PD “zhvendosen” tek KQZ/ Kaso kundër

Situata në Partinë Demokratike vijon të jetë kaotike, pasi Lulzim Basha edhe pse i shkarkuar me votën e demokratëve nuk pranon të lëshojë vulën dhe karrigen.

Ndërkohë, duket se përplasja është zhvendosur edhe në KQZ.

KQZ është duke zhvilluar sot mbledhjen e parë përgatitore për zgjedhjet e pjesshme vendore të 6 marsit.

Ivi Kaso, përfaqësues i PD në KQZ ka kundërshtuar përfaqësinë e PD-së në komision pasi sipas tij i ka dërguar Lulzim Basha që nuk është më kryetar.

“Besoj që momenti procedural kur do të duhet të verifikohet kjo gjë nga ana e KQZ ka për të qenë regjistrimi i subjekteve zgjedhore në garë”, tha Kaso.

Por, pas kësaj ka ndërhyrë kreu i KQZ, Celibashi I cili tha se “Në pikëpamje të ligjit raporti i një partie politike me KQZ-në është një raport i vazhdueshëm, edhe në atë jo zgjedhore. Me gjithë keqardhjen që kam në lidhje me këtë situatë, duhet të pranojmë që jemi në marrëdhënie institucionale. Ai që është përfaqësues ligjor i saj ka konsideruar se cilët do të jenë përfaqësuesit e saj në Komisionin Qendror të Zgjedhjeve. Opinionet dhe mendimet e PD-së nnë lidhje me aktet janë ato që do të prezantojnë nga Indrit Sefa dhe Marash Logu”./CNA.al

Lajmet e fundit nga