LEXO PA REKLAMA!

SHKARKO APP

E fundit!

x

"Nga ferra e vogël del lepuri i madh"/ Dashnor Sula: Nëse zgjerohet hetimi do zbulohen shumë hiena

9 Janar 2023, 20:48, Politikë CNA
"Nga ferra e vogël del lepuri i madh"/ Dashnor Sula: Nëse
Deputeti i Partisë Demokratike, Dashnor Sula

Deputeti i Partisë Demokratike, Dashnor Sula ka reaguar pas lajmit për vjedhjen e shumave të mëdha të parave dhe aksesorëve me vlerë të Alda Klosit nga pastruesja dhe djali i saj Rozeta dhe Havier Dobi.

Nëpërmjet një postimi në rrjete sociale, Sula ka përshkruar këtë ngjarje me shprehjen popullore "Nga ferra e vogël del lepuri i madh" , duke dashur të nënkuptoi se nga arrestimi i një haujduteje është zbuluar edhe një mashtrim më i madh, ai i zyrtares.

Ai i ka bërë thirrje prokurorëve të hetojnë përtej rastit pasi hajdutët e vërtetë janë zyrtarët që zhvasin lekët e qytetarëve.

"Nga ferra e vogël del lepuri i madh"

Ekziston një shprehje shumë e bukur popullore tek ne që i shkon shumë për shtat ngjarjes së ditëve të fundit. (Arrestimi i nënë e bir)

"Nga ferra e vogël del lepuri i madh". Kjo shprehje i jep shumë kuptim ngjarjes së arrestimit nënë e bir pasi kanë vjedhur qindra e mijëra euro në shtëpitë e zyrtarëve të qeverisë. Vjedhja, patjetër është e dënueshme dhe plotësisht dakord me masën e sigurisë që u dha ndaj tyre. Por prokuroria duhet të gjejë "lepujt" e mëdhenj. Zyrtarët e qeverisë që ndonëse me rroga jo marramendëse në shtëpitë e tyre fshehin qindra e mijëra euro. Nuk besoj se ka ndonjë naiv që të mendoj se ato para që iu vodhen zyrtares A. Klosi e cila ka qenë drejtoreshë e koncesioneve në Ministrinë e Financave janë para nga kursimet.

Si ish-koleg i tyre, inkurajoj prokurorët të hetojnë përtej rastit. Pastruesja dhe djali i saj janë vetëm dy hajdutë, por hajdut njësoj si ata janë edhe zyrtarët që zhvatin taksat e qytetarëve dhe i fshehin ato nën jastëkë e nën dyshekë.

A.Klosi ishte vetëm njëra nga zyrtarët e vjedhur nga nënë e birë, shumë prej zyrtarëve nuk i kanë denoncuar hajdutët sepse ata vetë janë hajdut më të mëdhenj dhe nuk justifikonin dot paratë. Ngjarja e ditëve të fundit është treguesi më i mirë i korrupsionit të shpërndarë në çdo qelizë të administratës dhe duhet të shërbej si një rast për të zgjeruar hetimet më tej.

Jam i bindur se nëse hetimi zgjerohet pa u ndikuar nga pushteti, do të dalin në pah edhe shumë e shumë hiena të administratës që janë bërë shkas i boshatisjes së qytetarev", shkruajti ai./ CNA.al

 

Lajmet e fundit nga