LEXO PA REKLAMA!

SHKARKO APP

PS, sondazhe me kandidatët e PD-së/ Krahason kryebashkiakët socialistë me kundërshtarët

7 Janar 2023, 10:04, Politikë CNA

PS, sondazhe me kandidatët e PD-së/ Krahason kryebashkiakët

Një ditë më parë drejtuesit politikë të PS-së, në 12 qarqe të vendit, raportuan te kryeministri Edi Rama, për më shumë se katër orë.

Zgjedhjet e 14 majit kanë qenë tema kryesore ku është fokusuar takimi i djeshëm.

Zyrtarisht nuk u dha asnjë informacion, për diskutimet, raportimet dhe dhënie llogari të drejtuesve politikë në qarqe përballë kryeministrit.

Pjesëmarrësisht dhe vetë kryeministri Edi Rama kanë qenë të rezervuar, në dhënien e informacionit.

Por, sipas "Euronews Albania" pjesë e diskutimeve kanë qenë edhe sondazhet, të zhvilluara për kryebashkiakët aktualë dhe kandidatët potencialë të selisë rozë.

Socialistët kanë marrë në shqyrtim edhe kundërshtarët, në të dyja grupimet brenda Partisë Demokratike për të kuptuar nëpërmjet sondazheve se ku ndodhen kandidatët e tyre në raport me kandidatët e PD-së.

Me anë të këtyre sondazheve, socialistët kanë krahasuar kryebashkiakët e tyre aktualë, por edhe kandidatët potencialë me kandidatët demokratë të dalë nga primaret dhe ata që priten të konfirmohen nga grupi i Enkelejd Alibeajt./CNA.al

Lajmet e fundit nga