E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

Bashkëpunoi me Ramën në 25 prill?/ Demokratët kapin “mat” ish-kreun e PD-së

28 Qershor 2022, 10:49, Politikë CNA

Bashkëpunoi me Ramën në 25 prill?/ Demokratët kapin

Ish-kreu i Partisë Demokratike, Lulzim Basha, ka reaguar pas arrestimit të kupolës drejtuese të policisë në Elbasan, në lidhje me vrasjen e Pjerin Xhuvanit, në prag të zgjedhjeve të 25 prillit 2021.

Në një postim në rrjetet sociale, Basha ka publikuar një video, e cila sipas tij tregon se si drejtuesit e policisë në momentin që ndodhi ngjarja dhanë dëshmi të rreme.

Sipas Bashës, vendimi i djeshëm tregon se si Policia e Shtetit u vu në shërbim të bandave me urdhër të Edi Ramës, në atë që ai e quan masakrën zgjedhore të 25 prillit. Ai thotë gjithashtu se para drejtësisë duhet të vihen urgjentisht edhe ish-drejtori i policisë dhe prokurori i Elbasanit që gënjyen publikisht.

Arrestimi i drejtuesve të policisë “zgjon” Bashën/ Ish-kreu i PD-së kërkon “kokën” e Veliut
28 Qershor, 10:16

Por, pas këtij postimi demokratët kanë “masakruar” me komente Lulzim Bashën, duke e akuzuar si bashkëpunëtor të kryeministrit Edi Rama.

Bashkëpunoi me Ramën në 25 prill?/ Demokratët kapin

“Ik o gjumash se flliqe demokratët e vërtetë”. -shkruan një qytetar.

“Në bashkëpunim me ty”, -shkruan një tjetër.

Po ashtu një qytetar shkruan: “Ka patur mjaftueshëm dëshmi për të mos i njohur zgjedhjet. Tashmë u kry, po e gëzon të tretën Rama”.

Ndërsa një tjetër shkruan: “Ti duhet të mbash përgjegjësi për vete për mostra që mban pas vetes, si tip “horrash” Florenc Hoxha, ose për monstruozitetin tënd që le gjoja pas ikjes tënde të tipit Alibeaj!”

Gjithashtu një qytetar shkruan: “Je bërë si kukull me kurdisje, pas 2 javesh ta paskan vënë kurdisjen kësaj rradhe!”

“Atëherë pse i pranove zgjedhjet. Pse e pranove ambasadoren amerikane që pa mbaruar votimi njohu zgjedhjet. Pse i tradhëtove popullin demokrat.”-shkruan një demokrat./CNA.al