Vrasja në Elbasan/ Ish-ministri: Balla dhe Bardhi janë përgjegjës, të dorëzojnë mandatet

28 Qershor 2022, 09:23, Politikë CNA

Vrasja në Elbasan/ Ish-ministri: Balla dhe Bardhi janë

Ish-ministri i Drejtësisë, Ylli Manjani, ka risjellë në vëmendje vrasjen e Pjerin Xhuvanit, në Elbasan, në prag të zgjedhjeve të 25 prillit 2021.

Në një postim në rrjetet sociale, Manjani shkruan se përgjegjës politikë janë kreu i grupit parlamentar të PS-së, Taulant Balla dhe deputeti Gazment Bardhi.

Sipas Manjanit, Balla dhe Bardhi duhet të dorëzojnë mandatet.

Morali e do që Taulant Balla dhe Gazmend Bardhi të dorëzojnë mandatet.

Ata të dy janë përgjegjës politikë të drejtpërdrejtë për përplasjen e dhunshme në Elbasan.

Përplasje e cila përfundoi:

1. Tragjikisht me humbjen e një njeriu.

2. Jo më pak tragjikisht me burgosjen e një tjetri që ka fëmijë të vegjël për të rritur.

3. Me detyrimin e një shpurre policësh e prokurorësh për të gënjyer rëndë e shumë rëndë, duke manipuluar provat dhe ngjarjen.

4. Kompromentimin e korrupsionin më të rëndë zgjedhor. Mandat bazuar në gjak!!!

Zgjedhjet nuk mund të jenë përplasje e armatosur, por ngjarje demokracie e paqshme. 

Alfred Moisiu, meqë e përmendin si model këto kohë, thoshte "pushteti as merret e as mbahet me zor".

Qoftë edhe në respekt të kësaj shprehje të urtë, Taulanti e Gazmendi duhet të dorëzojnë mandatet. 

Unë nuk i akuzoj si vrasës, por si organizatorë, nxitës e mbështetës të akteve të dhunës. Si korruptues të procesit demokratik të zgjedhjeve.

Asnjë gërr gërr e dërr dërr që bëjnë në publik nuk kakuptim sepse janë mbajtës të mandatit të gjakosur. Të mandateve të marra në rrugë jo demokratike.

Aq më pak të dy këta kanë moral të përfaqësojnë grupimet politike që pretendojnë se i përfaqësojnë.

Ky është rregulli moral demokratik.

Dorëzoni mandatet që t'u ketë kuptim fjala dhe arsye sjellja!” - shkruan Ylli Manjani./CNA.al

Lajmet e fundit nga