Zbardhet takimi në Lubljanë/ Ish-ministrja: Çfarë i thashë Bashës

27 Qershor 2022, 22:41, Politikë CNA
Zbardhet takimi në Lubljanë/ Ish-ministrja: Çfarë i
Ish-kryetari i Partisë Demokratike, Lulzim Basha

Ish-ministrja, Majlinda Bregu, ka folur pa filtra dhe i ka përplasur në sy gabimet që ish-kryetari i Partisë Demokratike, Lulzim Basha, ka bërë gjatë kohës që drejtonte partinë më të madhe opozitare.

Bregu ka deklaruar se nuk ka asgjë personale me Bashën, por problemin me të e ka pasur si “Basha kryetar”.

Për Bregun, ish-kryetari i PD-së nuk bënte për atë post dhe këtë ajo ia ka bërë të ditur në një takim të rastësishëm para një viti, në Lubljanë.

“Unë e kam takuar Lulzim Bashën vjet. Asnjë nuk e di ose pak vetë e dinë, rastësisht në një udhëtim në Lubljanë të dy bashkë. Është ajo historia, një gjë që e merr përsipër o bëje ose ik. Je po aq i nderuar edhe nëse nuk e bën dot. Nuk ke pse t’i bësh të tjerët të marrin një kosto kaq të madhe dhe s’ke pse të jetosh nën frikën dhe petkun se nuk je ti, por dikush tjetër po të lëviz fijet kjo është. A ka sot në PD që shpresojnë se nesër do i lëvizen fijet po aq sa Lulzim Bashës? Edhe kjo mund të ndodhë. Por problem kryesor sot është a do të vijë PD në zgjedhjet e ardhshme që nuk janë shumë larg, do të ketë mundësi për të thyer ciklin e një partie që sot është në pushtet që ka qeverinë e pushtetin lokal?”, u shpreh ajo në emisionin “Top Story”.

Gjithashtu, ish-zyrtarja e PD-së kritika ka bërë edhe për ish-kryeministrin dhe kryetarin aktual të PD-së, Sali Berisha, kur ai vendosi të lërë pasues Bashën.

8 vitet e pushtetit kam parë një Sali Berishë që ishte i devotshëm në punë. Momenti më delikat për mua ka qenë momenti i zgjedhjes së pasardhësit në politikë.  

Problemi nisi në momentin që PD iu dhurua Lulzim Bashës. Se nuk mund të ishte një kryetar i mirë partie, këtë sigurisht e dinte edhe Sali Berisha”, theksoi Bregu./ B.A. – CNA.al

Lajmet e fundit nga