Bregu nuk kursen Berishën dhe Bashën/ Zbulon momentin më delikat të saj në PD

27 Qershor 2022, 22:27, Politikë CNA
Bregu nuk kursen Berishën dhe Bashën/ Zbulon momentin më delikat
Foto ilustruese

Sekretarja e Këshillit të Bashkëpunimit Rajonal (RCC), Majlinda Bregu, nuk ka kursyer as kreun e PD-së, Sali Berisha, dhe as ish-kryetarin e shkarkuar Lulzim Basha.

E ftuar në "Top Story", Bregu deklaroi se, fakti që Berisha i dhuroi partinë Lulzim Bashës, krijoi një binom që ishte shumë i vështirë të ndahej.

Sipas Bregut, do të ishte më mirë që Sali Berisha dhe Lulzim Basha të ishin larguar nga PD-ja.

Bregu nënvizoi se momenti më delikat i saj në PD, ka qenë zgjedhja e pasardhësit të PD-së, ku Berisha vendosi që pasardhësi të ishte Lulzim Basha.

“Për mua problemi në PD, fakti që Sali Berisha i dhuroi partinë Lulzim Bashën krijoi një binom që gati ishte shumë i vështirë të ndahej. Se mbështetësi kryesor për Lulzim Bashën edhe pas humbjes ishte Sali Berisha.

Do të ishte mirë që në PD të ishte larguar edhe Lulzim Basha dhe Sali Berisha.

Realiteti sot është që ata kanë zgjedhur Sali Berishën, Berisha nuk bëri gjë tjetër veçse ktheu ata që i kishte dhuruar Lulzim Bashës. Fronti opozitar i është larguar frontit prej vitesh.

Momenti më delikat për mua ka qenë zgjedhja e pasardhësit të PD. Ku Sali Berisha vendosi që pasardhësi i tij do të ishte Lulzim Basha”, tha Bregu./ A.E-CNA.al

 

Lajmet e fundit nga