LEXO PA REKLAMA!

SHKARKO APP

Vrau dy kushurinjtë në Malësinë e Madhe / Arrestohet pas dy vitesh autori i shpallur në kërkim

9 Dhjetor 2022, 17:17, Kronika CNA

Vrau dy kushurinjtë në Malësinë e Madhe / Arrestohet pas dy

Është arrestuar ditën e sotme nga Policia e Shkodrës Danjel Pepaj, 27 vjeç, i shpallur në kërkim për vrasjen e Vilson Çutajt dhe Klement Pepajt.

Daniel Pepaj ka kryer vrasjen e dy kushërinjve Klement Pepaj dhe Vilson Çutaj, për shkak të një konflikti për parcelat e mbjella me kanabis.

Ngjarja ka ndodhur më  datë 3 Tetor të vititi 2020, në fshatin Vrith, të Malësisë së Madhe.

Gjykata e Shkodrës i caktoi masën “arrest me burg” Danjel Pepajt.

“Finalizohet operacioni policor i koduar “Vrith”, për kapjen e një personi në kërkim, me rrezikshmëri të lartë shoqërore.

Vihet në pranga 27-vjeçari, për vrasje të dyfishtë me armë zjarri. Shërbimet e Komsiariatit të Policisë Malësi e Madhe, në bashkëpunim me Forcën Operacionale të DVP Shkodër, ndaluan shtetasin: -D. P, 27 vjeç, banues në fshatin Vrith, Malësi e Madhe.

Ky shtetas ishte shpallur në kërkim, pasi Gjykata e Shkodrës i ka caktuar masën e sigurisë “Arrest në burg”, për veprat penale “Vrasja me paramendim”, e kryer në bashkëpunim”, “Mbajtja pa leje e armëve, armëve shpërthyese dhe municionit luftarak” dhe “Kultivimi i bimëve narkotike”. 27-vjeçari dyshohet se në fshatin Vrith, më datë 03.10.2020, ka vrarë me armë zjarri, shtetasit V. Ç. dhe K. P.

Materialet i kaluan Prokurorisë pranë Gjykatës së Rrethit Gjyqësor Shkodër, për veprime të mëtejshme”, njofton policia.

Lajmet e fundit nga