LEXO PA REKLAMA!

SHKARKO APP

E fundit!

x

Vodhën servisin e celularëve në Shkodër/ Arrestohet 19-vjeçari, procedohet penalisht një i mitur

9 Dhjetor 2022, 15:42, Kronika CNA
Vodhën servisin e celularëve në Shkodër/ Arrestohet
Foto nga kamerat e servisit

Finalizohet operacioni policor i koduar “Shop”, për zbardhjen dhe dokumentimin e vjedhjes me thyerje, në një servis celularësh, ngjarje e ndodhur më 6 dhjetor.

Mësohet se blutë kanë arrestuar shtetasin me iniciale Xh.B., 19 vjeç dhe janë referuar materialet e ka nisur procedimi në gjendje të lirë, për një 17-vjeçar, të dy banues në Shkodër.

Këta 2 shtetas, në bashkëpunim me njëri-tjetrin, më datë 06.12.2022, në lagjen “Vojo Kushi”, Shkodër, kanë thyer xhamin e derës së një biznesi privat (servis celularësh) ku kanë marrë disa celularë dhe pajisje të tjera elektronike.

Në vijim, në kuadër të operacionit “Shop”, është ushtruar kontroll në banesat e këtyre shtetasve, ku janë gjetur 9 aparate celulare të markave të ndryshme, pajisje të tjera elektronike, një pistoletë manovër, si dhe një sasi lënde narkotike kanabis, e ndarë në doza.

Vijojnë veprimet hetimore për zbardhjen e vjedhjeve të tjera, të kryera nga këta shtetas.

Ndërkaq, materialet procedurale i kaluan Prokurorisë pranë Gjykatës së Rrethit Gjyqësor Shkodër, për veprime të mëtejshme./ B.A. – CNA.al

 

Lajmet e fundit nga