web counter
LEXO PA REKLAMA!

SHKARKO APP

App Store
Google Play

Kishin kultivuar kanabis në Kurbin/ Në pranga një person, bashkëpunëtori i tij në kërkim

18 Qershor 2026, 13:45, Kronika CNA

Kishin kultivuar kanabis në Kurbin/ Në pranga një person,

Policia e Kurbinit ka goditur një rast të kultivimit të bimëve narkotike në fshatin Fushë-Gjormë.

Si rezultat është arrestuar një person, i cili ndodhej në vendin ku ishin kultivuar bimët nakrotike, si dhe është shpallur në kërkim bashkëpunëtori i tij.

Po ashtu u sekuestruan 2 automjete, 1 celular dhe sende të tjera.

 

Njoftimi i policisë

 

Finalizohet operacioni i koduar “Vigjilenca 2”, goditet 1 rast i kultivimit të bimëve narkotike, në fshatin Fushë Gjormë.

Kapet në flagrancë në vendin ku ishin kultivuar bimët narkotike dhe vihet në pranga 1 shtetas. Punohet për kapjen e bashkëpunëtorit të tij.  

Në vijim të kontrolleve intensive në të gjithë territorin e qarkut Lezhë, për parandalimin, evidentimin dhe goditjen e rasteve të kultivimit të bimëve narkotike, shërbimet e Komisariatit të Policisë Kurbin, bazuar dhe në punën operative, finalizuan operacionin e koduar “Vigjilenca 2”.

Gjatë operacionit, në territorin e fshatit Fushë Gjormë, u gjetën 1820 bimë të dyshuara narkotike Cannabis Sativa, të cilat u asgjësuan nëpërmjet djegies. 

Shërbimet e Policisë kapën në flagrancë në vendin ku ishin kultivuar bimët narkotike dhe arrestuan shtetasin N. Xh., 40 vjeç, banues në Krujë, i dyshuar për kultivimim e këtyre bimëve.

Gjithashtu, u shpall në kërkim shtetasi A. K., 54 vjeç, banues në Fushë Milot, i dyshuar si bashkëpunëtor në këtë veprimtari kriminale.

Në cilësinë e provës materiale u sekuestruan 2 automjete, 1 celular dhe sende të tjera që do t’i shërbejnë hetimit për dokumentimin e këtij rasti. 

Vijojnë kontrollet antikanabis në të gjithë tërritorin e qarkut. 

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.





Lajmet e fundit nga