web counter
LEXO PA REKLAMA!

SHKARKO APP

E fundit!

x

Institucion i ri për politikën fiskale/ Projektligji hidhet në konsultim, çfarë parashikon për financat publike

18 Qershor 2026, 14:02, Ekonomi CNA

Institucion i ri për politikën fiskale/ Projektligji hidhet në

Një projektligj i hedhur për konsultim publik nga Ministria e Financave synon krijimin e një institucioni të ri për disiplinën fiskale.

Bëhet fjalë për krijimin e Këshillit Fiskal.

Përmes një postimi në rrjetet sociale, ministri Petrit Malaj shprehet se ky institucion parashikohet të rrisë transparencën dhe qëndrueshmërinë afatgjatë të financave publike.

“Të vendosur për të garantuar edhe më shumë transparencë dhe përgjegjshmëri në qeverisje.

Edhe pse Shqipëria vlerësohet si lider në rajon për transparencën buxhetore, po ndërmarrim një tjetër hap të rëndësishëm në përputhje me standardet e Bashkimit Europian, përmes krijimit të Këshillit Fiskal. Projektligji i ri, tashmë për konsultim publik parashikon se ky institucion i pavarur do të kontribuojë në forcimin e disiplinës fiskale, rritjen e transparencës dhe garantimin e qëndrueshmërisë afatgjatë të financave publike”,-shprehet Malaj.

Roli i Këshillit Fiskal, si institucion i ri, lidhet me analizën e parashikimeve buxhetore, analizën e parashikimeve makroekonomike, vlerësimin e politikave fiskale, si edhe monitorimin e zbatimit të rregullave fiskale./CNA 





Lajmet e fundit nga