web counter
LEXO PA REKLAMA!

SHKARKO APP

App Store
Google Play

“Top Channel” del hapur/ Merr në mbrojtje ortakun Mirel Mërtiri

2023-04-13 19:41:00, Aktualitet CNA

“Top Channel” del hapur/ Merr në mbrojtje ortakun Mirel

Sot “Top Channel” në edicionin e lajmeve, për të disatën herë radhazi ka dalë hapur në mbrojtje të Mirel Mërtirit, i cili nga SPAK akuzohet si “truri” i inceneratorëve.

Duke marrë avokatin e tij, “Top Channel” ka trumbetuar lirimin e Mirel Mërtirit dhe Stela Gugalljas nga akuzat.

Saktësojmë dhe kujtojmë se Mirel Mërtiri është ish-ortaku i Vjollca Hoxhës te “Lori Caffe”, ku mori 2.2 milionë dollarë dhe më pas i ktheu aksionet.

Gjithashtu, Vjollca Hoxha kishte ortakëri me bashkëjetuesen e Mirel Mërtirit, Stela Gugalljan në kompaninë "KUDOPAY".

Të gjitha këto janë të vërtetuara me dokumenta dhe rezultojnë në historikun e dy kompanive në Qendrën Kombëtare të Biznesit.

Tashmë “Top Channel” që ka marrë miliona euro nga inceneratorët dhe kompanitë e njerëzve të inceneratorëve po bën avokatinë e ortakëve të vet.

Pas emisionit të së hënës ku na thanë se sa të mirë ishin inceneratorët dhe sa të lumtur jetonim mes tyre, tani “Top Channel” bën avokatinë e ortakut Mirel Mërtiri.

Siç ka raportuar më parë CNA dhe ka konfirmuar SPAK, Mirel Mërtiri, së bashku me bashkëjetuesen e tij Stela Gugallja dhe Klodian Zoton akuzohen për veprat penale "Korrupsioni aktiv i funksionarëve të lartë shtetërorë ose i të zgjedhurve vendorë, kryer në bashkëpunim" dhe "Pastrimi i produkteve të veprës penale apo i veprimtarisë kriminale, kryer në bashkëpunim".

Por “Top Channel” po tenton t’i mbyllë sytë qytetarëve për të disatën herë me gënjeshtra dhe të lirojë nga akuzat njerëzit që kanë përfituar kontrata koncensionare prej afërsisht 480 milionë euro nga qeveria shqiptare.





Lajmet e fundit nga