web counter
LEXO PA REKLAMA!

SHKARKO APP

App Store
Google Play

E fundit!

x

Loja e fëlliqur mediatike me inceneratorët/ Pikëpyetjet që duhet të marrin përgjigje

2023-09-16 12:47:00, Aktualitet CNA
Loja e fëlliqur mediatike me inceneratorët/ Pikëpyetjet që
Foto ilustruese

Inceneratorët janë cilësuar dhe vlerësuar si afera më e madhe korruptive, e quajtur ndryshe afera e shekullit.

E gjitha është një skemë korruptive me skenaristë dhe regjisorë të njëjtë që nis në Elbasan, shkon në Fier dhe përfundon në Tiranë.

Tre inceneratorë që në fakt nuk kryejnë asnjë funksion, ai i Elbasanit është në remont, i Fierit nuk ka përfunduar dhe i Tiranës nuk ekziston, i kanë kushtuar shqiptarëve, taksapaguesve qindra miliona euro.

Inceneratorët janë një aferë të cilën CNA e ka denoncuar prej vitesh, që nga viti 2015, në një kohë ku mediat e tjera tregonin se sa të mirë janë inceneratorët apo si funksionojnë.

Gazetari Elvi Fundo ka shënjestruar mediat që marrin para nga inceneratorët, duke e quajtur propagandën e tyre një lojë të fëlliqur mediatike për faktin se po tentojnë të mbulojnë këtë aferë duke e pozicionuar çështjen tek një sherr banal, apo duke sulmuar zëvendëskryeministrin Arben Ahmetaj, për t’i vënë kapak çështjes së inceneratorëve, për të cilën SPAK ka kryer hetime, dhe ka nxjerrë sërish si “trurin” e saj Mirel Mërtirin dhe bashkëpunëtorët e tij, Klodian Zoton dhe Stela Gugalljan.

Gazetari Fundo në një postim në rrjetet sociale, thekson dy problematikat e vërteta të çështjes së inceneratorëve.

1-Ku shkuan milionat e eurove të inceneratorëve?

2- Pse nuk bashkohen çështjet dhe të hetohet si grup i strukturuar kriminal, pasi në të gjithë skemën tre emrat , ai i Mirel Mërtirit, Klodian Zotos dhe Stela Gugalles, dalin tek afrea e inceneratorit të Elbasanit, Fierit dhe Tiranës.

Në postimin e tij, gazetari i mëshon asaj që këto dy janë problematikat kryesore të kësaj çështje ndërsa lëvizjet që bëhen nga mediat e paguara nga mediat e inceneratorëve janë thjesht një propagandë dhe presion ndaj institucionit të drejtësisë.

Por më e rëdësishmja thekson Fundo, ajo që vërtetë iu intereson qytetarëve është të dinë se ku kanë shkuar paratë e inceneratorëve, pse nuk hetohen si grup i strukturuar Mërtiri , Zoto, Gugallja dhe të tjerë bashkëpunëtorë.

Duke e hetuar si grup të strukturuar kriminal do të dalin dhe përgjegjësit e vërtetë , se cilët janë personat që kanë krijuar skemën korruptive miliona euroshe që sot rëndon mbi kurrizin e qytetarëve të cilët ende duhet të vazhdojnë të paguajnë 29 euro/ton, taksë për mbetjet në Tiranë.

“Ka një lojë të fëlliqur mediatike kryesisht nga televizionet dhe portalet e paguara nga njerëzit e inceneratorëve, të cilët vëmendjen duan ta mbajnë te një sherr, Mireli apo Tigri, peshkaqeni apo kuçedra.

Në fakt thelbi i çështjes është një dhe vetëm një: “Ku shkuan milionat e eurove? Pse nuk bashkohen çështjet për t’u hetuar si një grup i strukturuar kriminal me mashtrime të mëdha ndaj shtetit shqiptar.

Këto të dyja janë problematikët kryesore të inceneratorëve. Të tjerat janë lëvizje propagandistike dhe presion ndaj SPAK-ut që do të bëhet vazhdimisht sa herë të ketë seanca gjyqësore, pretenca apo vendime të Gjykatës dhe këtë do ta shohim vazhdimisht.

Por ajo që u intereson qytetarëve është të marrin përgjigjen: Ku shkuan paratë, edhe pse nuk hetohen si grup i strukturuar kriminal. Këtu do të dalin dhe individët përgjegjës, pra cilët janë ata që e kanë bërë të gjithë këtë skemë mbi kurrizin e shqiptarëve.

Nga i pari tek i fundit pa përjashtim. Edhe krokodilët, edhe peshkaqenët, edhe tigrat edhe ujqërit, të gjithë bashkë deri te minjtë mediatikë”, shkrua Elvi Fundo në postimin e tij në rrjetet sociale.

Kujtojmë se SPAK po vijon hetimet dhe ka vënë në pranga për këtë aferë zyrtarë të lartë, nga ish ministri i Mjedisit, ish sekretari i Ministrisë së Mjedisit dhe të tjerë bashkëpunëtorë.

Afera nuk është ndalur, pasi mbetet ende për të mësuar se ku kanë shkuar qindra milionat e eurove të inceneratorëve dhe hetimi i tyre si grup i strukturuar kriminal./ CNA

 





Lajmet e fundit nga