web counter
LEXO PA REKLAMA!

SHKARKO APP

App Store
Google Play

E fundit!

x

Megaoperacioni “Tempulli”/ Artan Hoxha zbulon detajin: Hetimet nuk kanë zgjatur 8 muaj

2023-09-16 11:14:00, Aktualitet CNA

Megaoperacioni “Tempulli”/ Artan Hoxha zbulon detajin: Hetimet nuk

Gazetari investigativ Artan Hoxha ka zbuluar detaje rreth megaoperacionit "Tempulli" ku janë arrestuar qindra persona për shpërndarje dhe prodhim të lëndëve narkotike.

Gjatë një interviste në Euronews, gazetari investigativ Artan Hoxha zbuloi se këto grupe nuk janë kapur brenda natës dhe se hetimet nuk kanë zgjatur 8 muaj siç raportoi dhe Policia e Shtetit.

Sipas Hoxhës emrat e këtyre grupeve ndodhen prej kohësh në databazën e Policisë pasi kanë qenë nën vëzhgim për qëllimin për të mbërritur tek furnizuesi apo për të kapur dhe grupe të tjera që merren me shpërndarjen e lëndëve narkotike.

“Krimi sidomos trafiku i drogës ka një hierarki që fillon nga maja dhe vazhdo në bazë.

Këto grupe nuk janë kapur brenda natës. Unëe  di fare mirë që policia sidomo policia kriminale, këto grupe i kanë patur në databazën e tyre.

Herë i kanë patur në vëzhgim për shpërndarje, herë i kanë patur në vëzhgim që mund të shkojnë tek furnizuesit. Këtë herë ata goditën brenda natës.

Ka patur problem në rrjetin e shpërndajres duke qenë se policia ka qenë në qarkullim janë strukur furnizuesit.

Ka patur luhatje. Kur goditen bazat mundohen të shohin se çfarë po ndodh, kush është goditur, duan të sigurohen se kush është kapur, a është kapur dikush nga grupi i tyre”, ka thënë Artan Hoxha./ CNA

 





Lajmet e fundit nga