web counter
LEXO PA REKLAMA!

SHKARKO APP

App Store
Google Play

E fundit!

x

Kur Tedi Blushi dhe PD akuzonin Hysenbelliun për dashurinë me Ramën

2022-09-10 16:18:00, Aktualitet CNA
Kur Tedi Blushi dhe PD akuzonin Hysenbelliun për dashurinë me
Foto ilustruese

Pak ditë më parë, IKMT u zgjua dhe nisi aksionin për prishjen e ndërtimeve pa leje dhe objekteve që kishin zaptuar hapësirën publike në bregdet.

IKMT çliroi hapësirat në zonën e plazhit i cili ishte publik, pasi ishte bllokuar me beton dhe pishinat që përdorte Irfani për të bërë biznes.

Gjatë ditëve të aksionit, Partia e Lirisë, e quajti këtë një sulm politik dhe një cënim të fjalës së lirë, ku në fakt, në mediat e Irfan Hysenbelliut, për sa vite është në pushtet PS-ja nuk ka pasur ndonjë denoncim apo raportim të skandaleve që nuk kanë qenë të pakta.

Por ndërkohë që sot i dalin në mbrojtje Irfan Hysenbelliut, kujtojmë pak kohën kur sekretari i Përgjithshëm i Partisë së Lirisë, Tedi Blushi dhe PD akuzonin Hysenbelliun për dashurinë me Ramën.

Në një nga komentet e tij, në Prill të 2016, Blushi ironizonte takimin e kryeministrit Edi Rama me presidentin të SHBA-ve, Barack Obama.

Blushi shkruante se problemet e vendit nuk marrin fund pse u takua Rama me Obamën.

 “Një tenxhere me gjellë diku u dogj. Një xhezve me kafe diku tjetër u derdh. Një aksident ndodhi në bulevard. Një tifoz u mek. Një saldator e la shufrën. Një shkrimtar e grisi fletën. Një druvar e preu gishtin. Në reanimacion një mjek, pacientin e harroi. Një polic e kapi por e fali hajdutin. Një gjyqtar çekiçin e theu. Një prokuror dosjen e mbylli. Dikush harroi të thosh të dua..të gjithë i lanë punët…dhe u derdhën në “Facebook”. Donin ta shihnin me sytë e tyre magjinë. Dalldi e ekzaltim. Të gjithë janë dehur. Të vjen turp të jesh esëll. Aparatçikët po shkulin flokët nga gëzimi. Sekretaret po prishin tualetin para pasqyrës nga eksitimi. Diku sofra u mbush plot. Dikujt xhepi iu mbush dëng! Një biznesi iu ulën taksat. Nga sot shteti nuk merr më rryshfet. Shëndetësia është falas. Krimi po vrapon vetë drejt burgjeve. Pronarët i morrën pronat. Shtëpitë pa leje u legalizuan me një të rënë gishtash. Tirana u mbush me parqe në çdo cep. BE na pranoi. Lulëzon Shqipëria! U mek partia! Mrekullia ndodhi: Obama, Ramën, e takoi!”, shkruant Blushi. 

Ky koment i Blushit u mor nga portali Balkanëeb ku ishte publikuar si lajm dhe ishte shpërndarë nga persona të ndryshëm, njëri prej tyre edhe Kryetari i Departamentit të Politikës së Jashtme në PD, I asaj kohe, Kreshnik Çollaku.

Por, lajmi nuk klikohej pasi ishte fshirë nga media.

Burime nga media në fjalë në atë kohë thanë për CNA, se fshirja e lajmit është bërë me urdhër të Irfan Hysenbelliut, i cili kishte censuruar edhe mendimet dhe lajmet që ishin kundër kryeministrit.

Edhe pak ditë para se të niste aksioni për prishjen e ndërtimeve pa leje të Irfan Hysenbelliut, në mediat e tij nuk kishte asnjë shkrim kundër kryeministrit Edi Rama./ CNA.al

 





Lajmet e fundit nga