Skenari i Ilir Metës/ Si do të shpëtojë nga dosja e spiunit?

25 Gusht 2022, 11:31, Editorial CNA

Skenari i Ilir Metës/ Si do të shpëtojë nga dosja e spiunit?

Kreu i Partisë së Lirisë, Ilir Meta

Ilir Meta njihet për kërcimet e tij, trampolinat spektakolare në politikë, por edhe me drejtësinë, edhe me skandalet publike, edhe pse është personi i vetëm i kapur në Shqipëri me zë dhe figurë në pazar korruptiv me ish-ministrin e tij, Dritan Prifti. Manipuloi drejtësinë dhe e nxori të pavlefshme videon. Atë që panë shqiptarët me zë dhe figurë, gjykata vendosi që nuk ishte e vërtetë.

Por le të shohim se cilat janë skemat që pritet të përdorë Ilir Meta dhe çfarë kuptohet nga lëvizjet e tij të fundit në lidhje me dosjen si ish-spiun i sigurimit të shtetit.

Skenari i Ilir Metës/ Si do të shpëtojë nga dosja e spiunit?

Ilir Meta në daljet e tij mediatike asnjëherë se ka mohuar ekzistencën e dosjes, por vërtetësinë e saj.

Pra, në rast se Ilir Meta pretendon se nuk ka një dosje të vërtetë dhe kjo më në fund qenka gjetur do të kërkonte hapjen e saj pra, mjaftonte të shkruante dy gisht letër dhe të kërkonte që dosja të bëhej publike.

Shënim/ Pse Meta nuk kërkon hapjen e dosjes, por padit Autoritetin
22 Gusht, 15:22

Këtë se ka bërë kurrë.

Pas daljes ka akuzuar Autoritetin për nxjerrjen e këtij dokumenti që në fakt është thjesht informacion pasi shkresën zyrtare se ka parë askush dhe ka një debat në distancë.

Së fundi, Ilir Meta ka kërcënuar Autoritetin se do ta padisë.

Në fakt nuk ka pse e padit. Ilir Meta thjesht duhet t’i kërkonte hapjen e dosjes së tij, por kjo është një lëvizje taktike e Ilir Metës. Ai në shtator do të bëjë ndoshta një padi, por kjo nuk dihet thjesht dhe vetëm me një qëllim tjetër t’i kërkojë gjykatës, atë që deklaroi se Autoriteti ka manipuluar pra ka shpifur, dhe këtë do ta zgjidhë me dëshmitarin.

Personi, i cili doli në media si i dënuar ishte shtetasi Filip Talo, që në fakt lehtësisht mund të shkojë në gjykatë dhe deponojë se nuk është Ilir Meta personi që e ka spiunuar. Dhe kështu çështja bie dhe Ilir Meta nxjerr se dosja ka qenë e manipuluar. Ndodh edhe kështu në Shqipëri.

Që një i dënuar, i cili është kallëzuar nga një person tjetër, ta mohojë personin që i ka bërë kallëzimin, nuk është rasti i parë në Shqipëri. Ka edhe njerëz që vuajnë nga sindroma e Stokholmit apo pasurohen nga persekutori.

Ky rasti i Ilir Metës shkon edhe më tej, pasi shtetasi që pretendohet se ai e ka kallëzuar sipas informacioneve është një nga njerëzit e strukturave të LSI-së, emëruar edhe në institucione ku ka dhe benefite politike dhe korruptive.

Meta e pranon se ka qenë spiun?!
19 Gusht, 16:45

Skenari, pra duket mjaft i qartë. Ilir Meta shkon dhe padit Autoritetin e Dosjes dhe luan me tezën se dosja është manipuluar.

Gjen dhe dëshmitarin për të thënë se nuk është Ilir Meta ai që e ka denoncuar dhe kështu përfundimisht del i pastër duke pretenduar siç përmendëm më lart që dosja e tij mund të ketë ekzistuar, por ajo është falsifikuar dhe janë shtuar dokumentet.

Skenari i Ilir Metës/ Si do të shpëtojë nga dosja e spiunit?

Kur në fakt dosja ekziston dhe nuk ka më dyshime tashmë sepse është vetë Ilir Meta ai që e bën të besueshme për faktin se ai nuk ka kërkuar asnjëherë në asnjë rast të hapet dosja.

Ilir Meta, njeriu i lirisë, përkushtimit dhe ndershmërisë
22 Gusht, 16:34

Pra, loja e tij politike, në lëvizje me gjykatat është që tashmë të dalë me tezën se është Autoriteti, ai që ka manipuluar dosjen, por në fakt e vërteta është krejt ndryshe. Autoriteti ka deklaruar qëndrimin e tij. Ishte Ilir Meta ai që duhet të thoshte “hapini letrat e mia”.

Duke e ditur se çfarë zullumesh ka bërë vetë ka dalë me tezën se ato dokumente i ka manipuluar autoriteti dhe një zyrtare që ka emëruar vetë ai./ CNA.al