Ilir Meta, njeriu i lirisë, përkushtimit dhe ndershmërisë

22 Gusht 2022, 16:29, Editorial REDAKSIONALE

Ilir Meta

Në 30 vjet karrierë politike, i ardhur nga strukturat e Rinisë së Partisë së Punës, ka shkuar te Ramiz Alia, drejtoi FRESH-in, bashkë me Pandeli Majkon u bë kryeministër, duke ia futur Pandeli Majkos, u bashkua me Nanon, e hoqi Fatos Nanon, u bashkua me Saliun, e hoqi Saliun, u bashkua me Ramën, iku nga Rama, e kështu me radhë.

30 vjet Ilir Meta i paguar nga taksat e shqiptarëve, deputet, President, Kryeministër, kryetar Kuvendi, ministër i jashtëm, ministër ekonomie. Dikush thotë që erdhi nga Skrapari me çantë me rroba dhe tani është një miliarder. Ilir Meta është simboli i njeriut se si politika të bën të artë.

Shënim/ Pse Meta nuk kërkon hapjen e dosjes, por padit Autoritetin
22 Gusht, 15:22

Dikush flet për ndershmërinë, në fakt kjo fjalë nuk duhet të shkonte tek Ilir Meta dhe për këtë le të përdorim ato që ka thënë doktor Berisha.

Ilir Meta hajdut i floririt, Ilir Meta hajdut i zgjedhjeve të lira, Ilir Meta kriminel dhe përgjegjës për vrasje në Tropojë, Ilir Meta përgjegjës për vjedhjen e votës. Tani si mund të ketë dy Ilir Meta. Njëri që vidhte votat në 2001-shin, që do t'u priste duart demokratëve.

Kush nuk e kujton le të shohë videon e kohës në një miting në Korçë tha se unë do t’ua pres duart demokratëve që votojnë për kandidatët e PD-së.

Kush nuk e kujton si gjendeshin kutitë në zyrat e PS-së dhe votat i vidhte Ilir Meta.

Kush ka harruar terrorin e policëve me tanke në mes të kryeqytetit në zgjedhjet e vitit 2001.

Kush e ka harruar dosjen e madhe voluminoze, me qindra faqe të denoncimeve të zjedhjeve të atij viti që, Sali Berisha bëri për Ilir Metën, që bëri opozita e Partisë Demokratike.

Ilir Meta, njeriu i lirisë, përkushtimit dhe ndershmërisë

Kush e harron se si i nxori socialistët në opozitë në 2005-ën, thjesht dhe vetëm për karrigen e tij, për kapriçot e tij personale.

Si shkoi me Berishën në 2009 për të mbajtur PD-në në pushtet.

Si e tradhtoi Berishën në 2013, për të sjellë rilindjen dhe Edi Ramën në pushtet.

Si heshti Ilir Meta dhe LSI-ja për 6 vite për aferën e inceneratorëve. Partia e Lirisë është partia e inceneratorëve, LSI-ja është partia e inceneratorëve, ministri dhe sekretari i përgjithshëm i një institucioni kanë qenë deputetë të LSI-së, me paratë e tyre është bërë fushatë për LSI-në.

Ky është politikani i Lirisë që do të sjellë opozitën në pushtet që ngjall shpresën për shqiptarët, hajdut i votave dhe floririt? Banditi që masakronte demokratët? Krimineli që i vriste në Tropojë siç ka thënë Berisha?

Meta e pranon se ka qenë spiun?!
19 Gusht, 16:45

Apo ky tradhtari, ky fuksi i fundit që e mban veten për politikan të ndershëm? Ilir Meta është llumi, kalbësira ku askush nuk duhet të ketë më shpresë e jo më opozita.

Ndoshta PD-ja duhet të shohë sa majtas dhe djathtas dhe të hapë sytë mirë, sepse kostoja e çdo fature të saj dhe të qëndrimit të gjatë në opozitë mund të jetë pikërisht Ilir Meta, LSI-ja, të kthyera në gjoja parti lirie kur në fakt janë një parti hajdutësh votash, korrupsioni, skandalesh, bëmash dhe gjëmash.

Pa harruar asnjëherë bllokun e Ilir Metës, 700 mijëshen me zë e figurë, pa harruar 4 viktimat e 21 janarit, që u bënë për Ilir Metën dhe vulosën shkatërrimin dhe kalimin në opozitë të PD-së dhe këtë situatë kritike që po kalon edhe sot pas rikthimit të Berishës. Përgjegjësi ka një emër, ai quhet Ilir Meta./ CNA.al