Si e bleu Rilindja deputetin e Lulzim Bashës/ 35 tendera dhe 1 miliard lekë

14 Gusht 2022, 18:58, Editorial REDAKSIONALE

Si e bleu Rilindja deputetin e Lulzim Bashës/ 35 tendera dhe 1 miliard

Lefter Gështenja dhe Lulzim Basha

35 tendera me vlerë mbi 1 miliard lekë. Janë përfitimet që Lefter Gështenja, deputeti i Lulzim Bashës, ka marrë në gati dy vite nga Rilindja.

Nga institucionet në varësi direkte të kryeministrit, nga ministri, nga Fondi Shqiptar i Zhvillimit, por edhe nga institucione të tjera.

Njeriu, i cili u zgjodh në vitin 2021 deputet në Librazhd, më parë ka qenë edhe drejtues i degës numër 7 të PD-së, në Tiranë, të cilën e ka kthyer në një mejhane personale.

Mesa duket ka ndjekur rrugën e Lulzim Bashës.

Politika i ka shërbyer thjeshtë dhe vetëm për të shtuar pasurinë e tij.

Nga një drejtor skandaloz në Drejtorinë e Përgjithshme të Rrugëve, Lefter Gështenja deklaron një pasuri marramendëse.

Pasuri të patundshme, ku vlerat e raportimit në deklarimin e pasurisë janë mjaft të vogla, por që në treg sipas verifikimit të bërë nga CNA.al, shkojnë me miliona euro.

Lefter Gështenja, ashtu si Lulzim Basha, ka përdorur opozitarizmin për t’u pasuruar.

Lefter Gështenja dhe Lulzim Basha

Në vitin 2018 ka hapur një kompani “Civil Cons”, e cila menjëherë gjatë kohës që ka qenë në pronësi të Lefterit fillon dhe fiton tendera pafund.

Më pas, kompania, siç ka raportuar CNA.al (lexo këtu), ka kaluar në emër të zonjave dhe më pas bëhet një shitje formale.

Ditë pas dite e javë pas jave, Lefter Gështenja me kompaninë e tij nga njëra anë fiton tendera tek Autoriteti Rrugor Shqiptar, te Fondi Shqiptar i Zhvillimit , te ministri të ndryshme apo te spitali i Traumës, dhe ndërkohë del dhe proteston në Unazë me Lulzim Bashën, gjoja për projektin skandaloz.

Del dhe proteston me Lulzim Bashën, për shkatërrimin e biznesit dhe nga ana tjetër Edi Rama i jep tendera pa fund, miliarda lekë.

CNA.al ka publikuar pjesën e parë të këtyrë tenderave sot, ato që ka marrë Lefteri te Fondi Shqiptar i Zhvillimit.

Nesër e në vijim do të vazhdojë me të gjitha institucionet e tjera për t’i raportuar të plotë këta tendera dhe vlerat e tyre, të cilat janë pagesat politike të Edi Ramës për të blerë Lefter Gështenjën, që të qëndrojë si një ushtar i Lulzim Bashës, për t’i shërbyer një përçarjeje të opozitës dhe për t’i shërbyer interesave të kryeministrit nga godina e Parlamentit.

Gjithçka duket mjaft e qartë, deputeti Lefter Gështenja është një nga njerëzit e paguar nga kryeministri Rama për të qëndruar në krah të Lulzim Bashës, i paguar me paratë e taksapaguesve shqiptarë me tendera e prokurime që i janë dhënë thjeshtë dhe vetëm me një interes, që Lefter Gështenja të jetë një ushtar i bindur i Lulit, në shërbim të kryeministrit Rama./ CNA.al