Me pasuri prej 4 miliardë Lekësh/ Ilir Meta, miliarderi që tallet me varfërinë e qytetarëve

5 Gusht 2022, 10:59, Aktualitet CNA

Me pasuri prej 4 miliardë Lekësh/ Ilir Meta, miliarderi që tallet

Kreu i Partisë së Lirisë, Ilir Meta, në një konferencë për shtyp, po vajton varfërinë e qytetarëve dhe bën përgjegjës për këtë situatë kryeministrin Edi Rama.

Ai ka thënë se do të ndërmarrin një iniciativë ligjore në Kuvend për të garantuar indeksimin e pagave.

“76% e punonjësve jetojnë në kufirin e varfërisë, që nga viti 2017 ky shpirtzi nuk ka indeksuar pagat që e ka detyrim ligjor dhe kushtetues. Do të ndërmarrim iniciativën në fillim të sesionit të ri në Kuvend për të garantuar indeksimin e menjëhershëm të tyre dhe nëse nuk do të miratohet do ta çojmë në Gjykatë Kushtetuese. Paratë do të shkojnë për superaferën e inceneratorëve. 67% e popullsisë jeton në kufirin e varfërisë me 5.5 dollarë në ditë”, tha Meta.

Këto deklarata vijnë nga njeriu më i pasur në Shqipëri, pasuria e të cilit, kap vlerën e 4 miliardë Lekëve.

Ndër të tjera ai e ka akuzuar Ramën për zhvatjen e miliona eurove nga inceneratorët me firma të qytetarëve që janë ndarë nga jeta./CNA.al

Lajmet e fundit nga