LEXO PA REKLAMA!

SHKARKO APP

E fundit!

x

Përse Ilir Meta nuk e hap vetë dosjen e tij?

1 Gusht 2022, 16:09, Politikë CNA
Përse Ilir Meta nuk e hap vetë dosjen e tij?
Ish-presidenti Ilir Meta

Shkresa e Autoritetit të Dosjeve drejtuar Kuvendit të Shqipërisë, sipas të cilës rezulton se bashkëpunëtori i Sigurimit të Shtetit me inicialet I.M. është vetë Ilir Meta; ish-Ilir Metaj, ish-President i Republikës, ish-Kryetar i Kuvendit, ish-Kryeministër, ish-kryetar i ish-LSI-së e tani Kryetar i Partisë së Lirisë, ka ndezur një debat politik ku pothuaj janë përfshirë të gjithë.

Mirëpo ajo që bën më shumë përshtypje dhe që ngre më shumë pikëpyetje është sjellja e vetë Ilir Metës, i cili në mënyrë të pakuptimtë po sillet sikur edhe ai vetë e ka pranuar si të vërtetë atë që është thënë për të që ka qenë spiun. Kjo lexohet qartë jo vetëm nga nervozizmi i tij sa herë i duhet të flasë publikisht për atë dosje, por edhe nga retorika mjerane e ca idiotëve rreth tij, që ndërsa bëjnë sikur e mbrojnë, në fakt e dekonspirojnë më shumë e shërbejnë si argumenta në favor të akuzës që i është bërë.

Për sa kohë ka zgjedhur të mbrohet pa asnjë argument me çfarë thotë vetë e prej ca injorantëve që në vend t’i vënë vetulla po i nxjerrin sytë, përse Ilir Meta nuk bën më të thjeshtën; të kërkojë dhe ta hapë vetë dosjen e tij. Ligji nuk e pengon për këtë gjë. Atëherë pse nuk e bën? Nëse është vërtetë i pastër, nëse nuk ka qenë bashkëpunëtor i Sigurimit, pse nuk e hap vetë dosjen e tij e ta bëjë publike e të na thotë: shikoni o budallenj, shikoni o të mjerë e hapini sytë përballë të vërtetës ju të gjithë nga Genta Sula e deri te Lindita Nikolla dhe Edi Rama dhe mos më çani kokën me sajesat tuaja e shpifjet me të cilat më akuzoni që kam qenë bashkëpunëtor i Sigurimit të Shtetit?

Unë po të isha në vend të Ilir Metës këtë gjë do të bëja e do jua mbyllja gojën të gjithëve.

Por do të bëja edhe një gjë tjetër, natyrisht nëse nuk do të isha spiun; do ta denoncoja në Prokurori publikisht e menjëherë Genta Sulën dhe gjithë Autoritetin e Hapjes së Dosjeve për shpifje, për falsifikim të dokumenteve zyrtare, për shpërdorim detyre dhe për cenim të imazhit.

Pra, po të isha Ilir Meta jo spiun, do ta hapja e publikoja vetë dosjen time fletë për fletë e faqe për faqe, do t’i denoncoja në Prokurori ata që kanë sajuar apo fabrikuar një lajm të rremë dhe e treta, do të inicioja, do të formuloja dhe do të dërgoja në Kuvend vetë amendamentet e kërkuara nga Autoriteti i Dosjeve në ligjin për hapjen e dosjeve.

Mirëpo unë nuk jam Ilir Meta, nuk jam as Ilir Metaj, që nuk ka guxim as ta hapë dosjen e tij e as ta mbyllë.

Pra, përse Ilir Meta/ Metaj nuk e hap dhe nuk e bën publike dosjen e tij?

Pse nuk i denoncon në Prokurori ata që ai mendon se e kanë sajuar lajmin se ka qenë spiun?

Pse nuk e merr vetë iniciativën që të formulojë amendamentet për ndryshimin e ligjit dhe t’i mundësojë Autoritetit të Hapjes së Dosjeve të na thotë të vërtetën?!

Deri tani faktet janë kundër tij. Kundër tij janë edhe veprimet dhe mosveprimet e tij. Ndërkohë, derisa të zbardhet e vërteta, ai është ish-bashkëpunëtori apo ish-spiuni I.M./ CNA.al

Lajmet e fundit nga