LEXO PA REKLAMA!

SHKARKO APP

E fundit!

x

Gënjeu për festën me fishekzjarre/ Sali Berisha ironizon Ramën

31 Korrik 2022, 16:20, Politikë CNA
Gënjeu për festën me fishekzjarre/ Sali Berisha ironizon
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka publikuar pak më parë një video të disa viteve më parë të kryeministrit Edi Rama.

Asokohe Rama deklaronte se kur Shqipëria të marrë statusin për çeljen e negociatave, nuk do të festojë dhe as do të hedhë fishekzjarre, ndërkohë që në 28 korrik u mbajt një koncert në sheshin Skënderbej për nisjen e bisedimeve dhe për 10-vjetorin e vendosjes së marrëdhënieve diplomatike me SHBA.

Ndryshe ngasa kreu i qeverisë ishte shprehur, qeveria dhe bashkia e Tiranës kishin organizuar gjithashtu edhe një show me fishekzjarre.

“Kur të marrim statusin ne nuk do të festojmë, as do hedhim fishekzjarre si paria e vitit ’36 siç ka ndodhur deri dje, se në fakt asaj parie ia keni pasur gjithmonë zilinë dhe asaj parie jeni munduar t'i ngjani”, shprehej Rama në Parlament.

Berisha kujton këtë deklaratë dhe vë në pah gënjeshtrën e kryeministrit.

“Kësaj i thonë ç’më duhet mua se çfarë kam thënë unë! Sb”, shkruan kreu i PD-së krahas videos./ B.A. – CNA.al

Lajmet e fundit nga