E fundit!

17:17 Aktualitet

Konsultimet për ligjin antimafia/ Braho: Nëse zbatohet si duhet, nuk ka nevojë për rregullime

Kreu i Prokurorisë së Posaçme, Klodjan Braho ka marrë pjes...

Kur Berisha akuzonte Metën për floririn e Krrabës/ “Ilir Floriri, festove vitin e ri me thesarin e grabitur në atë tunel”

30 Korrik 2022, 14:26, Politikë CNA

Kur Berisha akuzonte Metën për floririn e Krrabës/ “Ilir

‘Ilir Floriri’. Ky është epiteti i Ilir Metës, ish-President dhe sot kreu i “Partisë së Lirisë”, i vendosur nga ish- kryeministri dhe kreu i PD-së, Sali Berisha.

Këtë epitet, Berisha ia ka veshur Metës, ndërkohë që e akuzonte për grabitjen e thesarit të shtetit në tunelet e sigurisë së lartë në Krrabë, ku 280 kg ar u vodhën, pas ngjarjeve të vitit 1997.

Berisha ishte personi i parë që drejtoi gisht akuzues ndaj Ilir Metës për këtë ngjarje.

Gjithçka ka ndodhur pas tre vitesh kohë kur kishte ndodhur grabitja e florit të Krrabës.

Në vitin 2000, Berisha, akuzonte kryeministrin e atëhershëm Ilir Meta si shkaktarin e kësaj vjedhje shtetërore.

“Nëqoftëse dikush mendon tu vjedhë shqiptarëve floririn dhe të laj duart si ponc pilati, gabon shumë rëndë, ka bërë llogaritë shumë të gabuara. Kërkoj me insistim dorëheqjen e Ilir Metës”, deklaronte në atë kohë Sali Berisha.

Këtij version, Berisha i ka qëndruar edhe më vonë, kur nga foltorja e Kuvendit deklaronte se tashmë Ilir Meta quhej Ilir floriri.

Kur Berisha akuzonte Metën për floririn e Krrabës/ “Ilir

Me 13 tetor të vitit 2008, gjatë seancës parlamentare, disa muaj para se të bashkoheshin në një koalicion qeverisës, Berisha shprehet se “... ai tjetri në fund nuk quhet Ilir Meta, por Ilir Floriri”.

Nga ana tjetër Meta është kundërpërgjigjur duke thënë, se floririn e ka vjedhur Sali Berisha.

Në të njëjtën seancë, pra me 13 tetor 2008, Ilir Meta, thotë se Berisha jo vetëm e ka vjedhur floririn, por e ka ndarë me mikun e tij, Damir Fazlliç.

“Unë dua ta siguroj se ai do të përgjigjet para drejtësisë për të gjitha, do të përgjigjet edhe për floririn e Krrabës që e vodhi vetë në ’97 dhe që më pas kërkoi t’ua faturonte të tjerëve. Edhe për floririn do të përgjigjet Sali Berisha! Nga e dinte ai se ishte vjedhur thesari i shtetit? Sikurse do të përgjigjet edhe për floririn që u ka dhënë Fazlliçit dhe Fazlliçëve”, është kundërpërgjigjur Meta në seancë.

Por, sot Berisha dhe Meta mbrojnë njëri tjetrin, kanë harrur florin e Krrabës dhe akuzta e denoncimet e për vjedhje, zgjedhjesh, për korrupsion, për vrasje e të tjera.