LEXO PA REKLAMA!

SHKARKO APP

“Duhet të ndryshojmë sistemin elektoral”/ Bylykbashi paralajmëron Alibeajn për pazaret

31 Korrik 2022, 12:45, Politikë CNA
“Duhet të ndryshojmë sistemin elektoral”/ Bylykbashi
Nënkryetari i PD-së, Oerd Bylykbashi

Nënkryetari i PD-së, Oerd Bylykbashi, e sheh të nevojshme ndryshimin e sistemit elektoral, pasi sipas tij ai aktuali është shumë toksik dhe totalishti i kapur nga shteti.

“Sistemi zgjedhor aktual është shumë toksik. Nuk është sistemi i vitit 2008 është krejt tjetër. Në këtë kapje totale nga shteti na duhet me patjetër një sistem zgjedhor, i cili prodhon nevojën që një kryeministër të prodhojë marrëveshje dhe aleanca për mënyrën se si qeveris. Inceneratorët janë modeli që tregon se çfarë ndodh me një shtet të pakontrolluar”, është shprehur Bylykbashi në një intervistë.

Sipas Bylykbashit vendimi i Gjykatës Kushtetuese e bën të pamundur shpërndarjen e mandateve, dhe ky është një moment që opozita duhet të shfrytëzojë për të nisur diskutimet për ndryshimin e sistemit.

“Ka mbyllur listën, nuk ka më lista të hapura në Shqipëri, sigurisht nuk ka rrëzuar herësin. Nga ana tjetër është bërë e pamundur përllogaritja e mandateve. Në një mënyrë ose një tjetër ky sistem për shkak se është i keq e për shkak se është i pazbatueshëm duhet hequr”, tha Bylykbashi.

Gjithashtu ka shigjetuar dhe paralajmëruar deputetin Enkelejd Alibeaj dhe grupin e tij, që të mendohen mirë para se të bëjnë pazare politike dhe marrëveshje me kryeministrin Edi Rama, pasi nuk do të mungojë reagimi i tyre.

“Nëse dikujt i shkon ndër mend të përdori reformën territoriale për të bërë kështu pazaresh ne do të reagojmë”, ka deklaruar ai./A.E-CNA.al

Lajmet e fundit nga