web counter
LEXO PA REKLAMA!

SHKARKO APP

App Store
Google Play

E fundit!

x

Prokurori që nuk sulmojnë mediat e inceneratorëve

6 Korrik 2025, 12:36, Editorial CNA
Prokurori që nuk sulmojnë mediat e inceneratorëve
Dritan Prençi, prokuror

Prokurorë dhe gjyqtarë të shumtë në SPAK apo GJKKO, në Gjykatat Penale apo Civile nga Fieri, Elbasani, Tirana etj., janë sulmuar në mënyrë kriminale menjëherë pas Reformës në Drejtësi pas vitit 2015.

Sulmet janë të ndryshme dhe CNA përtej sulmeve ka sjellë shkrime, kritika, argumente, fakte për prokurorët, për punën, për dosjen e inceneratorëve, për dosjen “5D”, për dosjen “Erion Veliaj” e shumë të tjerë, por kemi bërë një difirencë.

Një diferencë që fillonte nga standarti Dumani, pra nga hetimet e shpejta, me fakte, me prova të cilat nuk i shikoje te prokurorët e tjerë.

Është sulmuar vetë kreu i SPAK Altin Dumani, janë sulmuar prokurorë si Eneid Nakuçi, Klodian Braho së fundi Ols Dado në mënyrë kriminale e kështu me radhë.

Ka prokurorë të cilët nuk shikojnë faktet dhe provat, nuk i shkojnë deri në fund hetimeve siç është rasti i Edvin Kondilit me Ilir Beqjan.

Por ka dhe të tjerë si, uniku Dritan Prençi.

Ajo që bie në sy nga ky prokuror është se është i vetmi personazh pjesë e strukturës së SPAK-ut që ka në dorë dosjen më famoze siç është ajo e aferës së shekullit, ajo e inceneratorëve dhe NUK SULMOHET NGA MEDIAT E INCENERATORËVE.

CNA ndoshta është e vetmja media kritike që e ka mbështetur, por që pas një kohe të gjatë Dritan Prençi thjesht dhe vetëm kishte futur në një cep Lefter Kokën, ministrin që nuk kishte kokërr leku po thjesht një Ministri Mjedisi, e gjuante me doreza boksi, a thua se ishte ai fajtori për inceneratorin e pandërtuar në Tiranë, ku pak kohë më parë Prençi shkoi te një grup i strukturuar kriminal, por gati tre vjet pasi dosja hetimore dhe kallëzimi ishte bërë.

Janë dorëzuar me mijëra e mijëra faqe dokumente, shqiptare dhe të huaja, pagesa, transferta, së fundi kemi nxjerrë dhe pronat e paluajtshme por Dritan Prençi, është i qetë.

Ai e sheh që, ÇUDITËRISHT mediat e paguara nga inceneratorët, ato që rëndomë quhen media Vari Carlon apo media të Merhum Këllirës, pa harruar Top Inceneratorin që është bërë investitor strategjik, i cili ka marrë miliona e miliona euro nga grupi i strukturuar kriminal i inceneratorëve dhe të gjitha këto media nuk e sulmojnë Dritan Prençin, nuk shkruajnë asnjë fjalë për të.

ÇUDITËRISHT, pasi të gjithë prokurorët, SPAK-u, çështje të ndryshme, intriga, ka lajme, ka kritika, nga Dumani tek i fundit, por nuk guxojnë dhe nuk kanë guxuar kurrë të sulmojnë prokurorin e çështjes së inceneratorëve, Dritan Prençi.

Këtë nuk e kanë bërë as mediat e inceneratorëve, këtë nuk e ka bërë as Mirel Mërtiri, as Klodian Zoto, as Arben Ahmetaj, këtë nuk e ka bërë as Edi Rama, as mediat e Rilindjes dhe pushtetit.

Çfarë ndodh? Çfarë fshihet pas?

Cila është marrëveshja që Dritan Prençi ka bërë me gjithë këtë zinxhir?

Kryeministri ynë për rastin e Veliajt doli e shpërtheu dhe çfarë nuk tha, megjithëse në fund bëri një kthesë.

Për inceneratorët që prap shkojnë deri tek Veliaj dhe ndoshta sipër tij deri te zyra e kryeministrit, asnjë fjalë, sepse dosjen hetimore e ka në dorë Dritan Prençi që ÇUDITËRISHT NUK E SULMON AS POLITIKA E AS MEDIAT E INCENEREATORËVE.

Pra, Dritan Prençi për ta po bën një punë të mirë, të mbyllë sa më shpejt dosjen, faturat të gjitha Lefterit dhe disa zyrtarucëve të vegjël dhe jeta vazhdon.

Jo pa qëllim nuk sulmohet, jo pa qëllim nuk reagohet ndaj Dritan Prençit, jo pa qëllim nuk përmendet emri i tij, jo për t’i ushtruar presion, por për t’i kërkuar publikisht llogari një prokurori ç’ka bërë me aferën e shekullit që e quajnë të hetuar dhe super të hetuar, por në fakt nga një skandal korruptiv qindra miliona euro, Dritan Prençi e ka kthyer në një fluskë sapuni me disa zyrtarucë të pavlerë të pushtetit./ CNA

 





15:18 Editorial Ditmir Bushati

HUMBJA E LIBERALIZMIT

Nëse do të duhet të shpjegojmë me një fjali rezultatin e zgj...

12:16 Editorial Elvi FUNDO

Edi Rama I

Ambasada e SHBA-së në Tiranë dje uroi popullin shqiptar pë...

Lajmet e fundit nga