web counter
LEXO PA REKLAMA!

SHKARKO APP

App Store
Google Play

E fundit!

x

Edi Rama I

Një cikël shkrimesh se si opozita, përtej aksioneve të saj, po i bën një shërbim politik dhe elektoral Edi Ramës. Çfarë ndodhi dhe ku po shkon PD me qëndrimet e saj, disa analiza që sjellin më shumë fakte dhe të vërteta përballë opozitarëve dhe ndoshta mundësitë e ndryshme për reflektim dhe zgjidhje.

28 Maj 2025, 12:16, Editorial Elvi FUNDO

Edi Rama I

Ambasada e SHBA-së në Tiranë dje uroi popullin shqiptar për zgjedhjet. Pra, shpresa e fundit e opozitës, që amerikanët të mos njihnin zgjedhjet, por të mbanin një qëndrim kritik ndaj tyre, ra. Ra më shpejt sesa pritej.

Ambasada nuk mund të uronte për zgjedhjet pa marrë një konfirmim te Departamenti i Shtetit, prandaj kush merr vesh nga politika e kupton se çështja e zgjedhjeve është një kapitull i mbyllur, pavarësisht kritikave që mund të ketë për to.

Edi Rama I

Në fakt, ka dy qasje: Njëra që u vodhën të gjitha dhe qasja tjetër që ishin zgjedhje të lira dhe shumë demokratike e që Edi Rama kishte një votë plebishitare.

Në fakt, ka një rrugë të tretë, zullume në zgjedhje mund të ketë pasur, por për çdo mendje të ftohtë dhe racionale çdo zullum nuk ka ndikuar në fitoren e socialistëve.

Mund të jetë ndonjë mandat më tepër, por fitorja e Ramës në këto zgjedhje nuk është vënë kurrë në diskutim dhe kjo nuk është çështja e sondazheve që dilnin paraprakisht, nuk është çështja e njohjes që bëri ambasada e SHBA-së, kjo lidhet me një perceptim në opinionin publik, ku edhe vetë demokratët, për ata që kanë qenë në terren dhe e kanë njohur situatën, deklaronin se Edi Rama do të fitonte.

Në Shqipëri ishte krijuar një frymë që socialistët do ta merrnin pushtetin dhe jo vetëm kaq, në CNA dikur shkruam se do të jetë një humbje, jo e dhimbshme, por therëse.

Fatkeqësisht ndodhi pikërisht ajo që ne thamë, sepse në shumë nga qytetet e Shqipërisë, nga bashkitë dhe zonat e saj, demokratët nuk kishin komisionerë, kishin një organizim të çorganizuar, nuk çështja vetëm e listave e njerëzve që duhet të krijonin frymën dhe të krijonin organizimin, një PD që s’ka më struktura organizative, nuk funksionon poshtë në qelizë, e shpërndarë, pa një lidership politik stabël që vjen dhe nga përplasjet e vazhdueshme brenda llojit, me ndarje me partitë e reja, me fytyra që i jepnin shpresë së Djathtës si rasti i Agron Shehajt, njerëz të ndershëm, të cilët dikur shfaqeshin në parti të vogla me klounë politikë që kishin pritshmëri votash dhe këto vetëm i bënin dëm Partisë Demokratike.

Prandaj dhe humbja do të ishte therëse për demokratët, nuk do të ishte thjesht një humbje që do t’u dhembte pak, sepse socialistët do të merrnin 72 apo 74 mandate, Rama pritej që të rritej me 2-4 mandate, megjithëse ai pati një rritje prej 9 mandatesh.

Ku qëndron problemi politik dhe publik në këtë moment?

Ajo që po bën Partia Demokratike në parim pas atij qëndrimi të Ambasadës Amerikane fatkeqësisht duket se do ta dëmtojë më tej atë. Berisha po vazhdon me të tijën, ka të gjithë të drejtën legjitime të kritikojë zgjedhjet, këtë instrument ka pasur në dorë gjithmonë, këtë instrument i mësoi edhe Lulzim Bashës.

Thelbi është se gjithë ajo fushatë dhe ai program elektoral që në fakt ishin vërtet për t’u vlerësuar, veprimet e tanishme të opozitës, pafuqia e saj, sjellja që po bën, artikulimi në publik apo disa lëvizje po tregojnë se është shumë e dobët dhe ka dalë nga zgjedhjet e dërrmuar. Kjo të bën të mendosh se ne po shkojmë drejt Edi Ramës I.

(vijon)

 





16:07 Editorial CNA

Humbje therëse

Parashikimi duhet bërë para se të bëhen zgjedhjet dhe ndos...

15:25 Editorial

"Per Jorida"

Është pozicionuar në listën e hapur të koalicionit për...

Lajmet e fundit nga