Tri sulmet “vetëvrasëse” të mediave të Veliajt

16 Qershor 2025, 13:01, Editorial CNA

Tri sulmet “vetëvrasëse” të mediave të Veliajt

Erion Veliaj, foto ilustruese

Mediat e pushtetit, por dhe ato specifikisht të paguara nga Erion Veliaj, nga vëllai i tij, të paguara nga inceneratorët, nga njerëzit e dosjes “5D”, pra, nga korrupsioni politik në Shqipëri, kanë filluar një mision “vetëvrasës”.

Në rast se, është i urdhëruar nga burgu i Durrësit, kryebashkiaku i Tiranës po “pushkaton” veten publikisht, në rast se e bëjnë ata me mendjen e tyre duket se po bëjnë “ekzekutimin” publik përfundimtar të Erion Veliajt.

Janë tri mënyrat si po e “pushkatojnë” apo po bën “vetëvrasje” kreu i Bashkisë së Tiranës që ndodhet pas hekurave.

STRATEGJIA ME GJYQTAREN ALBANA BOKSI

“Pushkatim” do të quhej nëse e bëjnë me mendjen e tyre, ndërsa “vetëvrasje” nëse bëhet me urdhër nga burgu i Durrësit, prandaj ky është ndryshimi.

E para qëndron te fakti se prej disa ditësh në disa media ka filluar furça, lëpirja ndaj anëtares së Gjykatës së Lartë, Albana Boksi, e cila çuditërisht menjëherë pasi u hodh shorti u kthye në vëmendje të opinionit publik nga mediat e Veliajt për t’i hequr furça, për ta lavdëruar, për të treguar sa integritet ka dhe kjo duket të jetë një strategji e qartë, ndryshe nga veprimet që bënë me Erjon Banin, të cilin e sulmuan egërsisht.

Albana Boksi

Më pas sulmuan edhe deri te gjendja fizike gjyqtarin tjetër Engert Pëllumbi dhe tani filluan furçat ndaj gjyqtares Boksi, a thua se janë budallenj njerëzit e drejtësisë.

Në fakt, ky duket të jetë një mesazh që ne po të fërkojmë, në rast se Erion Veliaj qëndron brenda ne do të sulmojmë si të tjerët. Pra, ja cila është diferenca.

PËRDORIMI I SHTETASIT O.E

E dyta është mënyra si po veprojnë me një arkitekt, me një emër jo të panjohur, por që në opinionin publik nuk bën ndonjë diferencë.

Bëhet fjalë për shtetasin O. E, i cili del edhe në një moment përgjimesh.

Ndoshta është dhe pjesë e dosjes sepse është personi që është marrë me ndërtimin e vilës në Qerret, me apartamentin e Erion Veliajt, që janë sekuestruar nga SPAK-u, dhe pronat e tjera, pra ai shfaqet kudo.

GJKKO sekuestron apartamentin e Erion Veliajt te "Kodra e Diellit"
22 Maj, 17:16

Mjafton të lexosh dosjen e parë pas vendimit të dhënë nga Gjykata e Shkallës së Parë, jo te përgjimet e dyta nga burgu i Durrësit, dhe gjithçka kuptohet mjaft lehtë, pasi vetë ky shtetas, arkitekti, është marrë në pyetje.

EKSKLUZIVE-Zbulohet vendimi i plotë i gjykatës për Veliajn dhe Xoxën
11 Shkurt, 12:55

Mediat e Veliajt po e sjellin dhe keqpërdorin këtë emër duke aluduar edhe gjëra që nuk janë aspak etike apo morale për mediat.

Por këtë e bënë pikërisht mediat që Erion Veliaj i ka paguar dhe i ka përdorur si mbrojtje apo shpesh i ka hedhur në sulme kundër prokurorëve të SPAK-ut.

Se çfarë kërkojnë të rrëmojnë te jeta private e Ajolës dhe pse duhet ta bëjnë pikërisht tani në këtë moment, duket që të ketë sërish një “pushkatim” apo një “vetëvrasje”.

KEQPËRDORIMI I RRJETEVE SOCIALE

E treta, dhe jo më pak e rëndësishmja, janë rrjetet sociale anonime duke keqpërdorur hapësirat në “TikTok”.

Kjo lidhet edhe me sulmet e brendshme politike, mund të mos jenë të Erionit dhe mund të keqpërdoren nga të tjerët, por këtu ka shumë peshë budallallëku i këtyre horrave mediatikë, të atyre që u pasuruan apo u japin zë budallallëqeve me sulmet ndaj prokurorëve të SPAK-ut apo duke vazhduar me tezat idiote se Erioni mbahet padrejtësisht në burg pa vendim gjykate.

Në fakt, Erion Veliaj ndodhet në burg me vendim gjykate ashtu siç ndodhi dhe me Ilir Metën, i cili është mbajtur aty edhe me vendim të Gjykatës së Lartë.

Akuzat e SPAK-ut/ Sa vite burg rrezikon Erion Veliaj
10 Prill, 12:12

Ndaj dhe këto të tria, përdorimi i rrjeteve sociale apo sulmet në një krah ndaj prokurorëve, fërkimi i Gjykatës së Lartë dhe përdorimi i emrave të personazheve të tjerë duke i qarkulluar, thjesht dhe vetëm nuk po bëjnë gjë tjetër ose po e “pushkatojnë” me urdhër nga lart publikisht ose Erioni me strategjinë e tij më në fund ka vendosur “vetëvrasjen” publike dhe politike me këto mesazhe apo veprime për të cilat autorët dihen, por ende nuk dihet urdhëruesi i tyre./ CNA