Lapaj dhe Shabani, të rinjtë apo të vjetrit e politikës?

19 Korrik 2025, 15:31, Editorial CNA

Adriatik Lapaj dhe Endri Shabani janë dy personazhe që janë bërë publikë nga një linjë e vetme politike, fillesa e tyre është Aleanca Kuqezi. Të dy kanë qenë drejtues në këtë parti, në atë kohë e themeluar nga Kreshnik Spahiu.

Lapaj dhe Shabani pjesë e Aleancës Kuqezi

Ishin të rinj dhe gjithçka ka filluar pas viteve 2010, pra rreth 15 vite më parë. Të rinj apo të vjetër, nuk ka të bëjë me moshën, nuk ka të bëjë vetëm se kur kanë hyrë në politikë, por dhe me sjelljen.

CNA shpesh ka qenë kritike ndaj Lapajt për qindra mijëra apo miliona eurot, për një fushatë kudo në Europë, aktivitete, shpenzime, të cilat ngrinin shumë pikëpyetje. Salla që kushtojnë nga 5 apo 10 mijë euro ora, hotele, avionë, shpenzime deri përtej oqeanit, në SHBA apo Kanada, totalisht të padeklaruara apo të thëna fiktivisht me shifra dhe vlera, që janë krejtësisht të pabesueshme.

Llapaj i Veliajt vijon turet me shpenzime marramendëse të padeklaruara
30 Janar, 14:50

Më tej Endri Shabani që shfaqet si kryetar i një partie, e cila s’ka bërë kurrë zgjedhje. Partia fillimisht ka nisur si një faqe në rrjetet sociale të një xhepisti, ish-hajdut i LSI-së, i cili më pas nuk u shfaq më, la atje Pano Sokon dhe Endri Shabanin, i cili kishte ardhur nga Aleanca Kuqezi.

Endri Shabani e konfirmon/ Jam kryetari i Nismës Thurrje
30 Nëntor, 19:23

Ndërsa Lapaj themelonte “Shqipëria Bëhet”. Dy lëvizje që në opinionin publik njiheshin si opozitë e re, si njerëz me integritet, të rinj, do të sillnin një mentalitet ndryshe.

Adriatik Lapaj prezanton lëvizjen e re politike "Shqipëria bëhet"/ Pikat kryesore të programit
18 Shtator, 19:56

I pamë qesharakë gjatë fushatës, po, po, qesharakë. Shqiptarët thanë si janë renditur këta në lista, pse nuk kanë vënë emrin në krye, pse nuk udhëheqin këta vetë, pse nuk hedhin një short, kush është i pari e kush i dyti, Shabani me Lapajn, sepse deklaronin që do të merrnin më shumë se 70 mandate apo nuk do të kishte qeveri Rama pa mandatet e Nismës “Shqipëria Bëhet”. Njëherë thoshin që do të qeverisnin vetë, pastaj thoshin që do të ishin ata që do të mbanin Ramën në pushtet.

Karagjozët e rinj të politikës
21 Janar, 14:13

Tani së fundmi janë katandisur si klounët e cirkut, sharlatanë dhe palaço politikë, që po zihen se kush do të marrë vendin në Parlament. Siguruan vetëm një mandat në Tiranë, nuk mundën të merrnin kund tjetër.

“Nuk do të marrin asnjë mandat”/ Lapaj sulmon Shabanin
16 Korrik, 17:51

Një parti pa bosht, dy individë të dirigjuar, të cilët vinin nga e njëjta parti, qëllimi i qartë: të dëmtojmë opozitën. Kuptohet nuk ishin vetëm këta të dy, kishte dhe rryma të tjera që morën nga 150 mijë deri në 200 mijë vota në total, duke i dhënë një goditje të madhe Partisë Demokratike, opozitës reale në Shqipëri, asaj të vërtetës, që përtej votave që i kanë marrë këta klounë politikë, ka përgjegjësi edhe më të mëdha për atë rezultat që ka marrë.

Ku shkuan votat e PD-së?!
22 Maj, 16:03

Le të qëndrojmë te këto dy personazhe, Lapaj dhe Shabani, të cilët prej ditësh po bëhen qesharakë me kërcënime, sharje e fyerje. Këta që nxirrnin video kur njerëzit pyesnin pse nuk janë në krye të listës, dhe qeshnin, talleshin me njerëzit.

Pano Soko dhe Adriatik Lapaj, përpara 11 majit

Thoshin kemi vënë njerëzit dhe kushërinjtë tanë se ne jemi të sigurt, do të marrim kaq shumë mandate. Kjo tregon injorancë politike, diku të paditur, sikur dhe me qëllim. Sot po i shohim të bëhen të pështirë në opinionin publik, njëherë me dajën, njëherë me kushëririn. Dikush jep dorëheqjen nga dorëheqja, dikush nuk jep dorëheqjen. Deklarojnë se kanë bërë marrëveshje, “unë jam i pari, ti je i dyti, pse ta marrësh ti, kur mund ta marrë ai”.

Tallja e Lapajt: Babain e vura në listë të sigurt që të fitoja unë
13 Mars, 12:41

Këta janë, me këtë mentalitet. Janë po aq të vjetër, nuk kanë ndonjë ndryshim, nga cila pjesë të duash e vjetruar ta quash, e opozitës apo e pushtetit zullumqar të Edi Ramës, që ka mbushur burgjet plot me ministra dhe zyrtarë. Të njëjtin mentalitet kanë edhe këta. Nuk kanë ndonjë qëllim të madh, të vijnë në pushtet se e duan Shqipërinë.

Shihni si sillen, tani që janë askushi, imagjinoni të kishin marrë pushtetin. Rama do t’u dukej shqiptarëve një lule, kurse këta do të ishin qershia mbi tortën e zullumeve, skandaleve, paaftësisë që shqiptarët e lexuan duke mos i votuar masivisht, por duke i lënë me një mandat për të parë, për të njohur në detaje fytyrën e tyre të vërtetë, mentalitetin e tyre të vjetruar, jo vetëm egoizmin, por diletantizmin e tyre.

Daja i Shabanit ndërron mendje: Dua mandatin e Lapajt
16 Korrik, 17:37

Delirancën “ç’fluturon hahet” dhe këta të zgjuarit e botës, që do të tërhiqnin zvarrë shqiptarët me fjalë e broçkulla, me mitingje e takime, të cilat tani kanë përfunduar në një sherr banal, një sherr publik për një mandat deputeti, i cili në fakt nuk duhet të shkojë as në duart e Shabanit, as në duart e Lapajt, por kushdo që është në listën e mbyllur e meriton të jetë në Parlament sepse është më qytetar, me mentalitet më racional, më i vërtetë sesa këta dy klounë politikë, që çdo ditë po i shohim se sa u vlen lëkura.