web counter
LEXO PA REKLAMA!

SHKARKO APP

App Store
Google Play

E fundit!

x

Daja i Shabanit ndërron mendje: Dua mandatin e Lapajt

16 Korrik 2025, 17:35, Aktualitet CNA

Daja i Shabanit ndërron mendje: Dua mandatin e Lapajt

Kandidati Zeqir Kordhoni, ka dërguar pranë Komisionit Qëndror të Zgjedhjeve një letër, përmes së cilës shpreh vullnetin e tij të plotë të marrjes së mandatit të deputetit, nëse shpallet fitues pas shpërndarjes së mandateve.

Në këtë mënyrë, Kordhoni, që garoi në listën e mbyllur të Nismës ‘Shqipëria Bëhet’, pretendon të marrë mandatin dhe të mos heqë dorë prej tij, gjë e cila mund t’i jepte Adriatik Lapajt mundësinë për të hyrë në Kuvend.

“Unë, i nënshkruari Zeqir Kordhoni, kam kandiduar për Koalicionin ‘Nisma Shqipëria Bëhet’ në qarkun e Tiranës në zgjedhjet parlamentare të datës 11 maj 2025.
Përmes kësaj deklarate të nënshkruar përpara noterit sot, më datë 15/07/2025, dua të vë në dijeni Komisionin Qendror të Zgjedhjeve, vullnetin tim të plotë për të ushtruar funksionin e deputetit në rast se shpallem fitues, pas shpërndarjes së mandateve në përputhje me rregullat e përcaktuara nga Kodi Zgjedhor i Republikës së Shqipërisë.
Në këtë kuadër, kërkoj që KQZ të injorojë çdo deklaratë tjetër të depozituar më parë nga Koalicioni ‘Nisma Shqipëria Bëhet’ ose në emrin tim, dhe të marrë në konsideratë vetëm këtë deklaratë si shprehje të qartë dhe të vlefshme të vullnetit tim”,- thuhet në letrën e KQZ-së./CNA 

Daja i Shabanit ndërron mendje: Dua mandatin e Lapajt





Lajmet e fundit nga