web counter
LEXO PA REKLAMA!

SHKARKO APP

App Store
Google Play

Duke nisur nga sot/ Shërbimet e-Albania, me asistencë falas pranë Bashkisë Shkodër

15 Korrik 2025, 15:36, Aktualitet CNA

Duke nisur nga sot/ Shërbimet e-Albania, me asistencë falas pranë

Që nga dita e sotme, të gjitha shërbimet e platformës e-Albania do të ofrohen me asistencë falas pranë një sporteli të dedikuar në ambientet e Bashkisë Shkodër.

Ky shërbim vjen pas udhëzimit të Ministrisë së Drejtësisë për mbylljen e të gjitha zyrave private që ofronin asistencë për këto shërbime.

Duke nisur nga sot/ Shërbimet e-Albania, me asistencë falas pranë

Nënkryetari i Bashkisë Shkodër, Alban Preka, u shpreh se ky sportel i ri është krijuar për të garantuar ndihmë profesionale dhe të paanshme për çdo qytetar. Shërbimi do të ofrohet nga një staf i kualifikuar, i cili do të asistojë qytetarët në përdorimin e platformës, si pjesë e angazhimit për një administratë më transparente dhe më pranë qytetarëve.

“Që sot, pranë Bashkisë Shkodër ofrohet asistencë ndaj qytetarëve për aplikimin në e-Albania. Nuk do të ofrohet më në pikat private në qytet kundrejt pagesës, por falas në bashki. Është një staf i dedikuar dhe ftoj qytetarët t'u drejtohen sporteleve sepse është shërbim cilësor dhe pa pagesë”,-shprehet Preka.

Duke nisur nga sot/ Shërbimet e-Albania, me asistencë falas pranë

Ky vendim bazohet në udhëzimin e Ministrisë së Drejtësisë, që ka theksuar se ofrimi i ndihmës për shërbimet nga e-Albania duhet të jetë falas, pa pagesë, dhe vetëm nga institucione publike, për të mbrojtur qytetarët nga abuzimet dhe tarifat e pajustifikuara të zyrave private./CNA





Lajmet e fundit nga