web counter
LEXO PA REKLAMA!

SHKARKO APP

App Store
Google Play

“Isha me djalin e Mehmet Shehut dhe Ngjelën”/ Lubonja: Ja si u transferuam nga Burgu i Burrelit në nisje të tranzicionit

14 Korrik 2025, 22:52, Aktualitet CNA

“Isha me djalin e Mehmet Shehut dhe Ngjelën”/ Lubonja: Ja si u

Analisti Fatos Lubonja rrëfeu sot mbi fillimet e tranzicionit politik të vendit dhe ngjarjet e kohës.

I ftuar në emisionin ‘Log.’, Lubonja tregoi se në atë kohë kishte qenë duke vuajtur dënimin në burgun e Burrelit, ku më pas u bë një transferim për shkak të situatës.

Lubonja ndau detaje nga koha e dënimit, që e kryente së bashku me të burgosur të tjerë të njohur si djali i Mehmet Shehut dhe Spartak Ngjela.

“Unë në atë kohë kam qenë në burgun e Burrelit, që nga 87 e këtej. Befas kur janë këto ngjarje, ndodh një gjë që ishte e pak si e papritur për ne. Vjen e bëhet një transferim i burgut të Burrelit, ashtu si na ka ardhur ne si një ngjarje, teza ishte që  Pérez de Cuéllar do vinte në burgun e Burrelit sepse kishte marrë sinjale nga diaspora amerikane që ai mund të vijë.

Në një mënyrë shumë të shpejtë, u bë një transferim nëpër kampe i një pjesë të të burgosurve të Burrelit, një pjesë i çuan nëpër kampe, një lloj lehtësimi dënimi, ndërsa ne që ishim një pjesë.. unë isha te mesi, ku ishin këta ish-udhëheqësit e partisë, ish-ministra, që quheshin tradhtarë.

Kam qenë më djallin e Mehmet Shehut, me Spartak Ngjelën. Mesi dhe një pjesë të burgosurish që konsideroheshin më të rrezikshëm nuk u transferuan, por na morën, na futën në kamionë dhe na çuan në Kosovë të Madhe, midis Lushnjës dhe Elbasanit, ku ishte burgu i grave dikur, dhe e kishin në mënyrë shumë të shpejtë, e kishin transferuar në burgun siç ishte ai i Burrelit.

Jo si kampe, por aty rrije 22/24 orë brenda, ishte regjim burgu, jo kampi pune, rrije në qeli. Na futën në dy kate. Ishte në sinjal që regjimi po lëshonte andej, por nëse do kishte ndërmend të lëshonte, nuk do bënte këto transformime. Transferimi ne na u bë për shkak të tij edhe sipas informacioneve që kemi marrë më mbrapa.

Ngjarja e ambasadave kemi qenë në Kosovë të Madhe. Ne kishim TV, na vishni gazetat, një gazetë vinte në Burrel që qarkullonte, lexohej. Ne kemi qenë shumë të dyzuar midis një shprese që fillonte se diçka po ndodhte dhe një fike të madhe, se në burgun e Burrelit ekzekutoheshe, ishte kjo frika që në do na marrin dhe të na asgjësojnë në ndonjë breg lumi. Ngjarja e ambasadave e kujtoj dhe nuk e kujtoj, kam parë mitingun në TV. Lexonim dhe gazetën ndonjë gjë, pastaj fjalimet, Ramiz Alia takimet me intelektualët”,-tregoi Lubonja./CNA

 





Lajmet e fundit nga