E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Shkodër, aksion për lirimin e hapësirave publike/ Rrustemi: Synojmë ndërgjegjësim, në të kundërt masa ligjore

15 Korrik 2025, 14:43, Aktualitet CNA

Shkodër, aksion për lirimin e hapësirave publike/ Rrustemi:

Aksioni kombëtar për lirimin e hapësirave publike po vijon me intensitet në qytetin e Shkodrës. Në kuadër të këtij operacioni, një pjesë e bizneseve kanë nisur tashmë lirimin vullnetar të hapësirave të zëna, duke iu përgjigjur pozitivisht thirrjes për t’i kthyer ato në shërbim të qytetarëve.

Policia Bashkiake ka vijuar me njoftimin zyrtar të të gjitha subjekteve për lirimin e hapësirave publike në mënyrë vullnetare. Në rast të moszbatimit, paralajmërohet ndërhyrje me masa të parashikuara nga ligji, deri në lirimin e plotë të tyre.

“Kemi dalë në një inspektim për zënien e hapësirave publike në kuadër të një operacioni që po zhvillohet për lirimin e hapësirave publike në qytet. Ju bëjmë me dije se ju keni lejen për shfrytëzimin e hapësirave publike deri te pjesa e derës, pjesa jashtë ndërtimit është e paligjshme kështu që do t’ju kërkoja që ta lironit vetë menjëherë hapësirën publike.

Siç jeni në dijeni ka nisur një aksion për lirimin e hapësirave publike. Ne do të bëjmë një akt konstatimi dhe keni një afat 5-ditor për ta liruar vetë hapësirën, në në kundërt kjo do të shembet prej nesh.

Në kuadër të këtij operacioni që është në të gjithë territorin e Republikës, edhe Shkodra ka vijuar pjesën e saj për lirimin e hapësirave publike. Pasi kemi liruar hapësirat publike në pedonalet '13 Dhjetori’, '28 Nëntori’, Gjuhadolit dhe ‘Kolë Idromeno’, radha u ka ardhur rrugëve kryesore të qytetit. Aktualisht janë lajmëruar të gjitha subjektet në këto akse për lirimin me dëshirë të këtyre hapësirave në të kundërt forca e ligjit do të veprojë në secilën prej këtyre subjekteve dhe kostoja për ta do të jetë shumë më e lartë. Në shumicën e këtyre subjekteve është gjetur mirëkuptimi dhe kanë filluar vetë duke i liruar hapësirat publike”.

Ky aksion synon të rikthejë hapësirat publike në funksion të komunitetit, duke respektuar të drejtën e qytetarëve për të pasur ambiente të lira dhe të aksesueshme./ CNA