web counter
LEXO PA REKLAMA!

SHKARKO APP

App Store
Google Play

Vuan nga sarkoma, Spitali Hygeia i vjen në ndihmë qytetares nga Lezha

16 Korrik 2025, 12:56, Aktualitet CNA

Vuan nga sarkoma, Spitali Hygeia i vjen në ndihmë qytetares nga Lezha

Gazetari Osman Stafa ka publikuar rastin e një qytetare nga Lezha të diagnostikuar me sarkomë, një formë e kancerit, së cilës i duhet të kryejë Pet Scanin, duke theksuar se është në pamundësi ekonomike për ta kryer në një spital privat dhe se në shtet nuk ekziston kjo aparaturë.

Duke u gjendur përballë një drame të tillë dhe një nevoje emergjente për të kryer vizitën, Spitali Hygeia i vjen në ndihmë qytetares nga Lezha.

Spitali Hygeia ofron shërbimin e kërkuar nga zonja pa pagesë, duke treguar se janë pranë njerëzve në nevojë dhe në pamundësi ekonomike.

Në këtë moment të vështirë, Spitali Hygeia i vjen në ndihmë qytetares në nevojë duke i siguruar këtë vizitë falas.

"KJO ËSHTË DRAMA E NJË GRUAJE NGA LEZHA. Ajo vuan nga sarkoma (një lloj kanceri). Është 51-vjeç. Duhet të bëj Pet-Scanin.

Por SHËNDETËSIA jonë publike nuk e ka këtë aparaturë shumë të rëndësishme për diagnostikimin e kancereve. E vetmja mundësi është privati. Por në privat kushton. 1300 euro në Shqipëri. E më shumë nëse ikën në Turqi.

Por AJO S'KA LEKË. Sa kushton pet-scani, ajo i ka të ardhura vjetore. E gjendur pa lekë, me borxhe, e pa mundësi, i mbetet vetëm një gjë të bëj. Të mos e bëj këtë diagnostikim, e të presë, deri kur kanceri t'i marrë jetën!!! Jam pa fjalë.

A i di këto histori njerëzore, Kryeministri i vendit, po Ministrja e Shëndetësisë Albana Koçiu?

Kjo është drama e një gruaje 51-vjeçare nga Lezha. Një dramë kjo e pafund njerëzve që duhet të bëjnë Pet-Scanin, por që shëndetësia jonë nuk ua ofron", shkruan në postim gazetari, pas të cilit Spitali Hyegia ka kërkuar informacione të mëtejshme për t'i ardhur në ndihmë zonjës që vuan nga sarkoma./ CNA

Vuan nga sarkoma, Spitali Hygeia i vjen në ndihmë qytetares nga Lezha





Lajmet e fundit nga