web counter
LEXO PA REKLAMA!

SHKARKO APP

App Store
Google Play

E fundit!

x

Skandal në RTSH/ Kryetari i Këshillit Drejtues mori lekë për organizimin e programit televiziv

6 Janar 2025, 12:42, Denoncim CNA
Skandal në RTSH/ Kryetari i Këshillit Drejtues mori lekë për
Leka Bungo

Radio Televizioni Publik Shqiptar është kthyer në një hambar skandalesh, aferash, korrupsioni dhe konflikti interesi.

Ikja e drejtorit të këtij institucioni, Alfred Peza, zbardhi shumë fakte dhe detaje mbi akuzat e hedhura nga mediat në mënyrë të njëpasnjëshme. Shpesh quheshin sulme politike, por në fakt nuk ishin të tilla.

Në RTSH prej vitesh ka një konflikt, një konflikt që nxitet nga kreu i Këshillit Drejtues, Leka Bungo.

Skandalet, bëmat dhe gjëmat e RTSH-së i ka gjetur dhe KLSH në raportet e të cilit thuhet se ka pasur veprime abuzive apo konflikte të pastra interesi.

CNA sjell sot për herë të parë një dokument, i cili është një kontratë mes drejtorit të RTSH-së dhe Leka Bungos që në këtë rast kthehet në rolin e skenaristit të emisionit "Gëzuar", pra një programi televiz në Radio Televizionin Publik Shqiptar.

Skandal në RTSH/ Kryetari i Këshillit Drejtues mori lekë për

Dokumenti tregon qartazi se janë miliona lekë dhe një konflikt i pastër interesi para që jepen nga fondet e taksapaguesve shqiptarë dhe buxhetit të RTSH-së për programin.

Në fakt problemi dhe skandali qëndron te firma, te personi që përfiton këto para. Ai është Leka Bungo që mban postin e kreut të Këshillit Drejtues të RTSH.

Skandal në RTSH/ Kryetari i Këshillit Drejtues mori lekë për

Për ata që nuk e dinë, Leka Bungo shpesh ka nxitur konflikte me të gjithë drejtuesit që me vajtjen e tij në këtë institucion.

I pari ka qenë Thoma Gëllçi, më pas Martin Leka, më pas Enkelejd Joti dhe i fundit Alfred Peza, i cili u detyrua që të jepte dorëheqjen.

Me të gjithë drejtorët ka pasur një problem gjoja në emër të luftës kundër korrupsionit, Leka Bungo ka pasur pazarin, pazarin e tij, siç është rasti i këtij dokumenti të firmosur nga Alfred Peza dhe Leka Bungo.

Mjafton që institucionet përgjegjëse hetuese sipas këtyre dokumenteve që shumë shpejt do të çohen në SPAK të kuptohet se çfarë ka ndodhur.

Janë zhvilluar disa mbledhje ku nuk miraton dot këshilli buxhetin e festivalit.

Njëherë shkonte 700 milionë, pastaj 600 milionë e kështu me radhë, vlera marramendëse dhe në fund këshilli e miratonte këtë dhe çfarë ndodh?

Ndodh që skenarin e RTSH-së e merr Leka Bungo.

Nga ana tjetër ka edhe mënyra të tjera për të përfituar fonde apo projekte të caktuara të cilët vendosen në emrat e personave të tretë.Mjafton të pyetet në RTSH se cilët janë personat që bashkëpunon Leka Bungo, apo për ata që interesohet, apo për projektet që ai mbështet më fort, aty do të gjeni edhe tentakulat e një afere të madhe në RTSH.

Një aferë që lind te Këshilli Drejtues i RTSH-së dhe shkon te drejtori i këtij institucioni. Pasi Këshilli bën presionin e tij për të mos votuar dhe më pas drejtori lëshon projekte qindra miliona lekëshe, të cilat i merr Leka Bungo apo anëtarët e këtij bordi.

CNA do të sjellë në vijim fakte të tjera tronditëse si ky dokument i firmosur në datë 29 dhjetor 2023 ku Alfred Peza dhe Leka Bungo shkëmbejnë qokat me njëri-tjetrin, ku njëri zhbllokon fondet, ndërsa tjetri i jep një pjesë të këtyre fondeve kreut të Këshillit Drejtues.

Tashmë dokumenti është fakt, është i provuar dhe gjithçka që CNA ka shkruar mbi skandalet dhe aferat e RTSH-së tani ka dhe një dokument që fakton se pas Këshillit Drejtues të RTSH-së dhe drejtorit të këtij institucioni, Alfred Peza, qëndron një aferë e madhe klienteliste dhe korruptive, pasi konflikti i interesit në këtë rast është përtej qesharakes dhe të pabesueshmes./ CNA

 





Lajmet e fundit nga