E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Veliaj lë në qiell të hapur banorët/ Thellohet skandali, Bashkia e Tiranës kapet në shkelje

4 Janar 2025, 14:19, Denoncim CNA

Veliaj lë në qiell të hapur banorët/ Thellohet skandali,

Në 26 dhjetor të vitit 2024, CNA denoncoi një tjetër skandal në të cilin është përfshirë kryebashkiaku Erion Veliaj, i cili është nën 4 akuza penale nga SPAK.

Denoncimi ka të bëjë me skandalin që lidhet me rikonstruksionin e një pallati në zonën e 21 Dhjetorit, me pretendimin se do të kryhet në emër të rindërtimit nga tërmeti i 2019-ës, dhe që në fakt lë jashtë dhjetëra familje. (LEXO KETU)

Fillimisht CNA denoncoi se Bashkia e Tiranës në 1 shtator të 2022-shit ka hapur një tender objekt “Riaftësimi strukturor i ndërtesës Nr.116, Rr. “Muhamet Gjollesha”.

Tenderi është mbajtur në 12 shtator 2022, ndërsa fituesi, sipas “Open Data”, rezulton të jetë shpallur më 24 korrik 2024.

Bashkia e Veliajt e shpalli fituesin pas 2 vitesh gjumë, me fond 39 379 516 lekë, pothuajse sa fondi limit i vendosur nga bashkia, i cili është 40 711 72 lekë.

5 muaj më vonë pas shpalljes së fituesit, banorët u informuan me një letër bakalli të ngjitur në mur se duhet të dalin nga banesat e tyre dhe ditën e sotme kompania Pepa Group ka vënë tabelën ku tregon projektin. (LEXO KETU)

Çfarë ndodh?

Pas kësaj, banorët kanë kryer ekspertizën në mënyrë të pavarur, pasi Bashkia nuk ka bërë asnjë ekspertizë për të vlerësuar dëmtimet e këtij pallati dhe rezulton se ekspertja ka konkluduar se pallati nuk ka asnjë dëmtim.

Nga ana tjetër Bashkia e Tiranës nuk ka dhënë shpjegime për banorët e këtij pallati se si do të funksionojë, se ku do të shkojnë ata që kanë shtëpitë apo bizneset e tyre, nëse do të kenë apo jo bonus qiraje, asgjë.

Skandali i radhës i Veliajt/ Nxjerr banorët nga shtëpitë gjatë festave
26 Dhjetor, 14:37

Bashkia e Tiranës nuk është ulur të bisedojë me banorët e pallatit për të sqaruar punën që do të bëhet dhe për të marrë dakordësinë e tyre dhe më tej për të vijuar me punën.

Thjesht përmes një letre bakalli kërkon që banorët të dalin nga banesat e tyre me pretendimin se pallati është dëmtuar nga tërmeti i 2019 dhe duhet rikonstrkturuar.

Minimalisht, Bashkia e Tiranës, duhet të bisedonte me banorët rikonstrusion, të bënte një proces ligjor, të bënte ekspertizën, të merrte dakordësinë dhe firmën e banorëve duke sqaruar se asgjë nuk do të preket nga pronat e tyre, të jepte bonusin e qirasë paraprakisht për të gjithë dhe më pas të njoftonte se banorët duhet të lironin shtëpitë.

Në këto kushte asnjëra nga këto nuk ka ndodhur.

Në këtë rast kemi të bëjmë me shpërdorim detyre nga ana e Veliajt, pasi procesi po kryhet në kundërshtim me ligjin, pas asnjë vendim të Këshillit të Bashkiak, duke lënë në terr informativ banorët e pallatit dhe duke mos marrë miratimin e tyre për zhvillimin e këtij rikonstruksioni.

Dokumenti-Skandali i Veliajt, jep tenderë dhe nxjerr banorët nga pallati
27 Dhjetor, 12:25

Duke pasur parasysh të gjithë detajet ngrihen dyshimet se 470 milionë lekë për rikonstruksion janë vjedhje dhe janë para për zgjedhje.

E dyta ka një rrezik shpronësimi pasi duan tokën për ndërtim pasi nuk shpjegohet ndryshe e gjithë kjo skemë që pa asnjë konsultim, pa asnjë informim, sa hap e mbyll sytë të kërkohet dalja e banorëve nga banesa në një kohë që sipas ekspertëve të marrë nga vetë banorët, ky pallat nuk ka asnjë dëmtim.

Çështja nuk do të përfundojë këtu. Këtë skandal banorët kanë bërë me dije se do ta dërgojnë në gjykatë për pezullim të punës dhe më pas çështja do të përfundojë në SPAK./ CNA