E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Denoncim-Skandali i radhës në Bashkinë Tropojë/ Zbardhen shkeljet dhe kontrata e dyshimtë

4 Janar 2025, 13:05, Denoncim CNA

CNA vijon të zbardhë skandalet që kanë përfshirë Bashkinë Tropojë. Denoncimi i radhës i ardhur në redaksinë e CNA ka të bëjë me një kontratë të Bashkisë Tropojë me kompaninë “KACDEDJA Shpk” për objektin Rehabilitim i Ujëmbledhësit NJA Fjerze REF-15140-08-01-2024, një kontratë me vlerë 5, 175,397 lekë. Afati për kryerjen e punimeve ishte 4 muaj nga lidhja e kontratës.

Për këtë procedurë konkuruan 7 kompani, por fituesja u shpall kompania KACDEDJA, ndërsa 6 kompanitë e tjera u skualifikuan edhe pse kishin oferta me të ulta se fituesi.

Sipas denoncimit të bërë në CNA, edhe pse afati për kryerje punimeve ishte 4 muaj në datën 3.12.2024 kompania ka dorëzuar për likuidim pranë Bashkisë faturën me vlerë 4,723,670 lekë ose 92% e vlerës kontratës, e cila u likuidua në degën e thesarit në datën 26.12.2024.

Duke u bazuar në të gjithë procedurën e parregullt që është zhvilluar që nga dhënia e procedurës kompanisë duke skualifikuar 6 kompanitë edhe pse kishin tarfië më të ulët, lind pyetja:

Si arriti një kompani që punimet që duhej të kryheshin në 4 muaj t’i kryente për një muaj e gjysëm?

Për më tepër që kjo është një kompani me seli në Tiranë dhe në asnjë ditë nuk është parë duke punuar në kantierin e punimeve fshati Degë Bashkia Tropojë.

Në kantier janë parë vetëm disa punonjës dhe një kompani tjetër e cila nuk është e regjistruar as e nënkontraktuar.

Denoncim-Skandali i radhës në Bashkinë Tropojë/ Zbardhen

Pagesa e 92 % të punimeve është bërë në paradhënie sepse punimet në këtë rezervuar nuk kanë mbaruar dhe kjo bëhet me qëllimin që mos të digjen fondet.

Bashkia duhet të kishte marrë masa të kryente procedurat në kohë, por sipas denoncimit vonesat janë bërë qëllimisht nga kryetarja e komanduar e Bashkisë Tropojë Zyra Islamaj, me qëllim që fituesi të shkonte ku donin ata.

Bashkia Tropojë është përfshirë në skandale të njëpasnjëshme, të cilat CNA i ka denoncuar herë pa here, ku tregohet se si ka abuzuar me buxhetin apo edhe me tenderët./ CNA