web counter
LEXO PA REKLAMA!

SHKARKO APP

App Store
Google Play

Reagimi: Alfred Peza jep dorëheqjen

25 Mars 2024, 18:45, Aktualitet CNA
Reagimi: Alfred Peza jep dorëheqjen
Alfred Peza

Deputetja e PD-së, Ina Zhupa ka pretenduar këtë të hënë se Alfred Peza ka dhënë dorëheqjen nga posti i drejtorit të Përgjithshëm të RTSH-së.

Ky pretendim i ngritur nga Zhupa nuk është konfirmuar ende nga CNA.

CNA raportoi më herët se Alfred Peza kishte zbrazur zyrën e tij, kishte larguar pikturat dhe sendet personale.

Kjo gjë që kishte krijuar dyshime dhe kishte nxitur thashetheme në RTSH se drejtori mund të ishte drejt dorëheqjes.

Megjithatë, ky lajm nuk është konfirmuar ende, pasi nuk ka një reagim zyrtar nga televizioni publik shqiptar, apo ndonjë dokument të publikuar nga vetë Alfred Peza.

Deklarata e plotë e Zhupës:

Një fitore e vogël clirimi i RTSH nga paligjshmëria me dorëheqje të detyruar të Alfred Pezës!

Që para se të zgjidhej e kam denoncuar që po përgatitej zgjedhja e tij me porosi;

Kur u zgjodh e kam denoncuar si zgjedhje të paligjshme se nuk plotësonte kriteret e ligjit që nuk duhet të kishte qënë deputet para dy legjislaturave, që nuk duhet drejtonte media 6 muajt e fundit, që nuk duhet ishte aksioner në media por prap e mbajtën në mënyrë antiligjore.

Gjatë periudhës së shkurtër të qëndrimit e kam denoncuar si abuzues me detyrën me shkarkimet e paligjshme dhe jashtë çdo norme të kodit të punës dhe norme morale dhe njerëzore. Në të njëjtën mënyrë abuzive dhe punësonte pa asnjë kriter dhe menaxhonte fondet publike të RTSH si personale.

Keqardhje për kolegët e komisionit të medias që nuk u ngritën në lartësinë e detyrës, duke pasur shkeljet para syve nuk kanë marr asnjë masë brenda kuadrit që na lejon ligji si komision përgjegjës.

RTSH është aset publik që mbahet me taksat e shqiptarëve dhe duhet drejtohet në bazë të ligjit dhe në shërbim të interesit publik.

I bëj thirrje këshillit drejtues pas këtij dështimi të radhës herë tjetër të ndjekin ligjin kur zgjedhin drejtuesin e ri të RTSH./ CNA

Reagimi: Alfred Peza jep dorëheqjen





Lajmet e fundit nga