web counter
LEXO PA REKLAMA!

SHKARKO APP

App Store
Google Play

Investigimi i CNA-së/ Sulmet dhe goditjet e dirigjuara ndaj “Air Albania”-s

1 Janar 2026, 11:00, Denoncim CNA

Investigimi i CNA-së/ Sulmet dhe goditjet e dirigjuara ndaj “Air

Një nga çështjet mbi të cilat CNA hodhi dritë përgjatë 2025 ishte se çfarë fshihej pas goditjeve dhe sulmeve ndaj kompanisë ajrore shqiptare "Air Albania".

Pas sulmeve të njëpasnjëshme që merrte kjo kompani, CNA nisi një investigim për të kuptuar se çfarë po ndodhte me "Air Albania"-n dhe për të mësuar se kush po i orkestronte këto sulme.

Investigimi nisi duke kërkuar bilancet në QKB, të cilat nuk ekzistonin. Duke parë këtë, CNA i dërgoi një sërë e-mail-esh “Turkish Airlines”, kompanisë mëmë të “Air Albania”-s, e cila është dhe aksionerja me përqindjen më të lartë, audituesit “Big four Ernst & Young (EY)” në lidhje me bilancet e kompanisë dhe me auditimin e tyre, por si përgjigje morëm HESHTJE.

Gjithashtu nxorëm një vendim gjykate, që tregonte dhe zbulonte një abuzim, ndoshta një vjedhje të madhe me miliona euro, që lidhej me kateringun, ku sipas të dhënave, 120 persona në ditë udhëtonin me “business class” me “Air Albania”. Një avion i tërë në ditë “business class”. Sërish heshtje. Pas një shkrimi në CNA, u hodhën të tjera shkrime kundër “Air Albania”-s. U tha se nuk kishte paguar qiratë e avionëve. Një “zbulim” që vinte nga Zvicra. Ne i shkruam kompanisë ku “Air Albania” kishte marrë avionë me qira, por na thanë me e-mail “NO COMMENT”.

Çdo e-mail kishte pyetje që drejtoheshin në lidhje me çfarë shkruhej për të kuptuar të vërtetën, por të gjithë heshtën, morëm vetëm një koment.

Kompania “Air Albania” mori goditje të njëpasnjëshme, u abuzua, u keqpërdor nga menaxherë, drejtues, ish-drejtues, të cilët ishin nën strehën e vetë “Turkish Airlines”, kompanisë mëmë që kishte përqindjen më të lartë të aksioneve të ‘bijës’ së saj “Air Albania”.

Nga ana tjetër bilancet e "Turkish Airlines" sa vinin e rëndoheshin, ndërsa kjo kompani kishte premtuar se do t’i jepte bijës 7 avionë dhe në fund nuk i bën dot as dy avionë.

Të gjitha abuzimet dhe vjedhjet që u bënë tek "Air Albania" dolën në pah përmes një vendimi gjykate.

Vetëm pak kohë pas denoncimeve, kompania "Turkish Airlines" shiti aksionet që kishte në "Air Albania".

Në fund, u zbulua se ajo që ndodhi me "Air Albania"-n ishte një sulm i dirigjuar dhe i mirorkestruar me një qëllim final për ta falimentuar dhe për ta rrjepur atë./ CNA

 





Lajmet e fundit nga