web counter
LEXO PA REKLAMA!

SHKARKO APP

App Store
Google Play

E fundit!

x

“Shtëpia u kthye në ferr”, e lëshoi me qira, vajzat ia kthyen në “shesh lufte”

16 Dhjetor 2025, 21:13, Denoncim CNA

“Shtëpia u kthye në ferr”, e lëshoi me qira, vajzat

Qytetarja Mimoza Bekaj iu drejtua emisionit “Stop”, pasi apartamenti i saj i dhënë me qira përmes agjencisë “Future Home”, u kthye në një gjendje katastrofike nga vajzat qiramarrëse.

Banesa u la me dëmtime të rënda, papastërti dhe sende të djegura, ndërsa dëmi financiar ishte i konsiderueshëm. Megjithëse ishte rënë dakord, që vajzat të paguanin 4 milionë lekë dëmshpërblim, pagesa nuk u krye.

“Këtu kam një apartament që e dhashë me qira, në momentin që e dhashë me qira u largova jashtë. I kam dhënë me agjencinë ‘Future Home’. Sapo e dhashë me qira më kontaktuan banorët e pallatit dhe administratori, më thanë që në apartamentin që ju keni dhënë me qira kanë hyrë njerëz shumë problematikë. Janë problematike, sepse fusin njerëz në shtëpi. Administratori më tha se janë ngritur në këmbë të gjithë banorët e pallatit, sepse bënin sjellje te pahijshme. Agjencia më tha që janë dy vajza në moshë madhore, kanë mbaruar fakultetin, janë të punësuara dhe nuk janë problematike.

Nuk i takova asnjëherë me thënë të drejtën, sepse çelësin ia dhashë agjencisë. Vajzat fusnin meshkuj në shtëpi. Bënin zhurma sikur shtëpia, ishte një shtëpi publike. Unë u shqetësova. Atë shtëpi e kam ngritur me djersë. Mora njërën nga vajzat në telefon dhe më tha që ne fusim të afërmit tanë, por nuk më rezultoi kështu. Vajzat nuk kanë qenë më shumë se dy muaj. Kur shkova në shtëpi, e kishin lënë në gjendje skandaloze”, tha qytetarja.

Gjatë përballjes me administratoren e agjencisë, Erjola Canga, ekipi i “Stop” dhe vetë denoncuesja Mimoza Bekaj u përballën me sjellje agresive, kërcënime dhe mohim përgjegjësie./ Tv klan





Lajmet e fundit nga