web counter
LEXO PA REKLAMA!

SHKARKO APP

App Store
Google Play

PD: AKSHI shpenzoi miliona euro pa transparencë për mirëmbajtjen e informacionit të shëndetësisë

9 Nëntor 2025, 11:54, Denoncim CNA


Zëdhënësja e Antikorrupsionit në PD, Genta Vangjeli denoncoi sot se për mirëmbajtjen e informacionit të shëndetësisë, AKSHI shpenzoi miliona euro të së njëjtës kompani me procedura të mbyllura dhe pa transparencë. 

"Ndërsa shëndetësia shqiptare ndodhet në një gjendje të mjerueshme, me mungesa kronike të medikamenteve në Onkologjik, Pediatri dhe spitale të tjera, Agjencia Kombëtare e Shoqërisë së Informacionit (AKSHI) nën varësinë e Edi Ramës, vazhdon të shpenzojë miliona euro për kontrata të dyshimta.

Vetëm për mirëmbajtjen e sistemit të informacionit të shëndetësisë, AKSHI ka shpenzuar 7 milionë euro me TVSH gjatë periudhës 2018-2025, duke përdorur procedura të mbyllura dhe pa transparencë, me negocim pa shpallje të njoftimit të kontratës, dhe me të njëjtin përfitues në çdo rast.

Kështu:

Për QSUT-Janë lidhur 4 kontrata mirëmbajtjeje me vlerë totale 4.3 milionë euro (2018, 2020, 2022, 2025).

Edhe pse objekti është i njëjtë, vlera e kontratave është rritur nga 800 mijë euro në 2018 në 1.6 milionë euro në vitin 2025.

Për Spitalin Universitar të Traumës-Janë lidhur 4 kontrata me vlerë totale 1.8 milionë euro (2019, 2021, 2023, 2025).

Vlera është pothuaj trefishuar nga 300 mijë euro në 2019 në 888 mijë euro në 2025.

Për Spitalin ‘Shefqet Ndroqi’-Janë lidhur 3 kontrata me vlerë 517 mijë euro (2019, 2022, 2024)",-tha Vangjeli./CNA 

 

PD: AKSHI shpenzoi miliona euro pa transparencë për mirëmbajtjen





Lajmet e fundit nga