EKSKLUZIVE-Carlo Bollino në përgjimet e Ballukut, qindra miliona nga ARRSH-ja

18 Dhjetor 2025, 17:04, Denoncim CNA

Carlo Bollino

CNA po sjell ekskluzivisht një pjesë të mesazheve nga dosja “Balluku”, e cila në disa raste është publikuar nga Gazment Bardhi, por që pjesët e Bolinos nuk pati kurajon ti publikonte.

Materiali që do të sjellë CNA është i papublikuar më parë. Bëhet fjalë për botuesin e Shqiptarja.com Carlo Bollinon.

Sipas komunikimeve të zbardhura në dosjen Balluku dhe në këtë pjesë që do të publikojë CNA, del Carlo Bollino i cili çon mesazhe ministres Balluku dhe persona të tretë që interesohen tek drejtori Evis Berberi për projektet dhe pagesat.

Në këtë pjesë flitet për shumat që ka marrë nga drejtori i ARRSH Evis Berberi. Berberi qartazi shkruan se ka paguar 28 milionë lekë të rinj (280 milionë lekë të vjetra) më pas 3 milionë lekë të rinj (30 milionë lekë të vjetra) dhe në qershor do t'i jepte edhe 39 milionë lekë të rinj (390 milionë lekë të vjetra) që është diferenca, sipas Berberit.

Çfarë thuhet në komunikimet në WhatsApp mes Belinda Ballukut dhe Evis Berberit?

“Në datën 17.03.2022, në orën 17:45, shtetasja Belinda Balluku i përcjellë (farwarded) shtetasit Evis Berberi mesazhin "buonasera belinda, sento il dovere di informarti che nulla di quello che ci siamo detti e' avvenuto. ne' il vecchio (il cui valore e' stato addirittura spalmato te "plani i likujdimi" nei prossimi tre anni!!!) ne' il nuovo.", si dhe i dërgon mesazhet "Merre zgjidhe kte Se sta kam fare po fare terezine". Ky është mesazh i Carlo Bolinos drejtuar ministres Balluku.

Në orën 17:52-17:53, Evis Berberi: "Ja kam pranuar projektin në këshill teknik ka marrë 28 mil të rinj nga 70 mil të rinj dhe pagesën e mbetur ja kam shtrirë në tre vjet tani do marrë 3 mil të rinj pasi kanë bërë një shpërndarje për të gjitha projektet dhe nëse duhet ja japim në qershor 39 mil të rinj që është diferenca. Për gjënë e re se di për çfarë flet Pasi skam diskutuar gjë tjetër me të.

Në orën 17:57-17:58, Belinda Balluku: "Therrite ate plehren qe e perfaqeson Dhe thuaji, kjo eshte skema, cfare halli ke, shko sqaro carlon thuaj mos shkruaj me tek min ose pastaj harroje bashkepunimin". Në orën 17:58-18:00, Evis Berberi: "Ok Po është ky plehra që shtyn carlon se do jetë në hall.”

Këto komunikime tregojnë qartë përfshirjen e Carlo Bollinos dhe qindrat e miliona lekëve që ka marrë nga ARRSH-ja.

CNA e ka theksuar dhe më herët që mesazhet, tabulatet duhet të dalin të plota, jo të prodhohen fake news për qëllime dhe interesa personale apo dirigjime nga burgu i Durrësit.

Komunikimet duhet të publikohen të plota ashtu siç CNA publikoi përgjimet nga burgu i Durrësit apo dosjen e plotë të Veliajt, duke i treguar opinionit publik të vërtetën ashtu si në këtë rast, ku tregohen edhe qindra milionat e marra nga ARRSH-ja./ CNA