web counter
LEXO PA REKLAMA!

SHKARKO APP

App Store
Google Play

E fundit!

x

Përfundoi vetëm pak kohë më parë/ Dëmtime serioze në rrugën Maliq–Lozhan i Ri–Strelcë

18 Dhjetor 2025, 12:05, Denoncim CNA

Përfundoi vetëm pak kohë më parë/ Dëmtime serioze

Rruga Maliq–Lozhan i Ri–Strelcë, e përfunduar vetëm pak kohë më parë, ka nisur të shfaqë dëmtime serioze strukturore, duke ngritur shqetësim mbi cilësinë e punimeve dhe sigurinë e infrastrukturës rrugore.

Vetëm pak kohë pas përfundimit të punimeve, në disa segmente të këtij aksi janë evidentuar çarje anësore, rrëshqitje dhe shembje të tokës, të cilat rrezikojnë stabilitetin e rrugës dhe qarkullimin normal të mjeteve.

Përfundoi vetëm pak kohë më parë/ Dëmtime serioze

Pamjet e siguruara nga CNA tregojnë qartë degradimin e barrierave anësore dhe dëmtimin e strukturës së rrugës, duke hedhur dyshime mbi standardet teknike të ndërtimit dhe mbikëqyrjen e projektit.

Fakti që këto probleme janë shfaqur menjëherë pas përfundimit të punimeve, e bën situatën edhe më alarmante.

Përfundoi vetëm pak kohë më parë/ Dëmtime serioze

Aksi Maliq-Lozhan i Ri-Strelcë u promovua si një investim strategjik për lidhjen e qytetit të Maliqit me Gramshin dhe zonat përreth, me synim nxitjen e zhvillimit ekonomik, bujqësor dhe turistik të rajonit, si dhe përmirësimin e aksesit të fshatrave të Qarkut të Korçës drejt qendrave urbane.

Përfundoi vetëm pak kohë më parë/ Dëmtime serioze

Sipas tabelës zyrtare të projektit, objekti ka qenë “Rikonstruksioni i aksit rrugor Maliq-Lozhan i Ri-Strelcë”, me një vlerë totale prej 1,397,257,703.1 lekësh me TVSH, financuar nga Autoriteti Rrugor Shqiptar, i cili ka qenë edhe investitori i këtij projekti.

Përfundoi vetëm pak kohë më parë/ Dëmtime serioze

Punimet janë realizuar nga kompania “Gjikuria” sh.p.k., ndërsa projektimi është kryer nga shoqëritë “T.H.C” sh.p.k. dhe “Erald-G” sh.p.k. Mbikëqyrja e punimeve i është besuar kompanisë “C.E.C Group” sh.p.k., e cila kishte për detyrë garantimin e zbatimit korrekt të projektit dhe standardeve teknike gjatë gjithë fazës së ndërtimit.

Përfundoi vetëm pak kohë më parë/ Dëmtime serioze

Segmenti rrugor, me gjatësi prej rreth 18.8 kilometrash, u rikonstruktua me fonde publike, me një kosto prej rreth 1.4 miliardë lekësh me TVSH. Megjithatë, dëmtimet e shfaqura në një kohë kaq të shkurtër kanë vënë në pikëpytje efektivitetin e këtij investimi dhe nevojën për kontrolle më të rrepta teknike në projektet infrastrukturore./CNA





Lajmet e fundit nga