E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

“Erioni po luan mendsh, kjo është java”/ Një tjetër skenar nga skutat e qelisë të burgut të Durrësit

8 Prill 2025, 16:41, Denoncim CNA

“Erioni po luan mendsh, kjo është java”/ Një

CNA do të vijojë të sjellë detaje nga përgjimet në qelinë e burgut të Durrësit, ku qëndron i burgosur kryebashkiaku Erion Veliaj.

Në përgjimet e siguruara nga CNA, kanë dalë shumë skenare, manipulime, gënjeshtra, presione që janë bërë nga burgu i Durrësit, sulme kundër prokurorëve apo institucioneve të drejtësisë.

Sot do të sjellim dhe një tjetër detaj nga përgjimet që mund të përkthehet në një "skenar" që shkon deri aty saqë Veliaj mund të ketë "përdorur" dhe shëndetin e tij mendor si një alibi për të shtuar presionin në media apo nga frika se mos e transferonin në "Alkatraz".

Në një bisedë me bashkëshorten e tij Ajola Xoxa, i kërkon kësaj të fundit që të telefonojë Meron, e ka fjalën për Mero Bazen, atë që e përdor si kamxhik për sulme ndaj prokurorëve dhe SPAK-ut apo për inskenime me 2 milionë euro, që të ndërhyjë te Ministri i Drejtësisë, atë që donte të mbyste me thonj që të mos e transferonin në Alkatraz.

Veliaj i kërkon bashkëshortes së tij që bisedën me Gentin dhe Mero Bazen ta bëjë si nder personal me justifikimin se Erioni po luan mendsh.

“Në bisedën ndërmjet tyre, Erion Veliaj i kërkon Ajolës që të telefonojë Mero dhe Genti Sulën, e t'i vërë në dijeni se po insistohet që Erioni të transferohet në Tiranë, në burgun që ai e quan Alkatraz. I kërkon që Genti dhe Mero t'i thonë mos ta bëjë këtë gjë dhe se po e tepron. Bisedën me Gentin dhe Meron, ia kërkon që ta bëjë si nder personal se Erioni po luan mendsh”, thuhet në përgjime.

Në një tjetër bisedë këtë herë me vëllain e tij, Arbër Veliajn i kërkon që të rritet presioni në media dhe të merren fuqishëm pasi kjo është java dhe të gjithë duhet të angazhohen si të ishte goditja e fundit. Veliaj i kërkon Arbrit tu bëjë me dije se gjendja e tij psikologjike nuk është e mirë.

“Në orën 17:41, Erion Veliaj ka biseduar me përdoruesin e numrit telefonik 0674096731 (Arbër Veliaj), të cilit i kërkon të bisedojë me Fugën dhe me Arbrin dhe t'u bëjë të ditur që gjendja psikologjike e tij në paraburgim nuk është e mirë dhe se duhet të angazhohen sikur të jetë goditja e fundit (everything you got — this shot).

Arbër Veliaj i tregon se ka biseduar dhe ua ka bërë të qartë. Në vijim, Erion kërkon që Fuga dhe Arbëri të merren fuqishëm se “kjo është java”. Në bisedë, Erion Veliaj i tregon se “anëtarët e asaj gjëse që firmosa sot' duhet të angazhohen se ata janë dhjetë vetë, dhe secili duhet të merret me secilin, duke i kërkuar që të bëhet një fushatë e madhe mediatike, pasi është një betejë që dikush duhet ta bëjë për të”, thuhet në përgjime.

Më tej në një tjetër bisedë tregohet qartë shërbimi që mediat i kanë bërë Veliajt, pasi teksa flet me vëllain i thotë që të rrisë presionin nëpërmjet medias, dhe për këtë duhet të flasë me përfaqësuesit e mediave si Meron, Gentin apo Filipin.

“Në bisedën e zhvilluar në orën 12:12, Erion Veliaj i kërkon vëllait të tij Arbrit, që të rrisë presionin nëpërmjet medias, ku të publikohen njerëz që kërkojnë takime dhe nga ana e prokurorisë nuk lejohen. I kërkon që për këtë të flasë me përfaqësuesit e mediave si Mero, Gentin dhe Filipin”, thuhet në përgjime.

Të gjithë këto përgjime tregojnë se deri në çfarë pike ka shkuar Veliaj, sa nga qelia në burgun e Durrësit të inskenojë dhe krijojë skenare për të ushtruar një sulm brutal ndaj drejtësisë./ CNA