web counter
LEXO PA REKLAMA!

SHKARKO APP

App Store
Google Play

E fundit!

x

Përgjimet e Veliajt/ Xama: Tregojnë fushatën e dirigjuar nga Veliaj kundër prokurorëve

8 Prill 2025, 07:37, Aktualitet CNA

Përgjimet e Veliajt/ Xama: Tregojnë fushatën e dirigjuar nga

Gazetarja Ola Xama e ftuar në MCN TV ka folur për publikimin e përgjimeve të bisedave të Veliajt nga qelia. Xama u shpreh se publikimi i këtyre përgjimeve tregon fushatën e Veliajt kundër prokurorëve të SPAK.

Më tej gazetarja tha se duhet të hetohet nëse mbështetja e mediave ndaj Veliajt është bindje personale apo janë paguar nga kompania e  Arbër Veliajt.

“Përgjimet tregojnë fushatën e dirigjuar nga Veliaj kundër prokurorëve të SPAK. Pamë lajme që nxinin personalisht prokurorët, që bënin punën e tyre. Kur një zyrtar është nën hetim, ka të drejtën e tij të ketë fjalën, por jo në denigrim personal duke iu futur në familje një prokurori. Kjo është shumë e gabuar.

SPAK duhet të thotë, nëse këto media që i janë bindur Veliajt e kanë bindje personale, apo janë paguar nga kompania e vëllait të Veliajt, Gogel. Këtë përgjigje të japë SPAK, që po heton. Një tjetër pikë që del, është çështja se si kërkon të ndikojë në KLP, edhe pse KLP nuk e ka bërë, por shprehet që "tregoji atyre kush i ka emëruar".

Po ashtu si vë në lëvizje Dhomën Kombëtare të Avokatisë që ta mbështesë dhe të nisë hetim disiplinor për prokurorin e çështjes. Kjo kërkesë është bërë. Ai ankohet ndaj Ulsi Manjës dhe kërkon trajtim preferencial. Ministri në këtë rast ka zbatuar ligjin, mbase sepse çështja ka qenë sensitive. 

Ajo që nuk jam dakord, është zbulimi i disa bisedave personale, që SPAK është dinjitoz dhe nuk duhet. Bisedat personale, çfarë ka folur me familjarët, nuk duhet të zbulohen për sa kohë nuk përbën asgjë për faktin penal", tha Xama./ CNA





Lajmet e fundit nga