Kryeministri Edi Rama në një postim të bërë në rrjetet soc...
"Te Rruga e Kavajës të marrim pak "feedback""/ Gazetari Elvi Fundo: Veliaj tha publikisht që mbante Ramazan, e gjitha e parapërgatitur
7 Prill 2025, 10:27, AktualitetCNA
Gazetari Elvi Fundo, i ftuar në emisionin “Kafe shqeto” me Flavio Qarrin, ka folur për përgjimet e bisedave të Veliajt nga burgu i Durrësit, të publikuara prej 3 prillit nga CNA. Fundo u ndal te disa nga pikat kryesore të aferave dhe skandaleve të Veliajt që u zbuluan nga publikimi i dosjes.
Gazetari Fundo u ndal edhe te publikimi që kryebashkiaku Veliaj bëri në rrjetet sociale se po agjëronte.
Referuar dosjes së përgjimeve, Fundo tha se edhe fakti që Veliaj deklaroi që po agjëronte ishte e gjitha një stisje, pasi në përgjime del se ishte e planifikuar si gjë dhe përmendet në bisedat e Veliajt me vëllanë e tij, Arbrin.
“Në fillim thanë nuk ekzistojnë, pastaj thanë është zëdhënës i SPAK-ut. Dje kanë dalë me version të ri dhe thonë nuk janë asgjë. Besoj tani do dalin me versionin fajin e ka Saliu. Në orën 9:31, në datën 7 mars Veliaj i kërkon Ajolës të bisedojë me Meron dhe 'KM'. Shpik një detaj, krijon një detaj se janë dhënë para për kokën e tij. Thotë se kam 3 dëshmitarë, Alban Dokushi, Myslim Murrizi dhe Isuf Berberin.
Kam komunikuar vetë me Myslim Murrizin dhe në SPAK ka thënë s’di asgjë. I ka përfshirë njerëzit kot. Në orën 10:23 bisedon me Arbrin. Në orën 2-3 vjen një përgjigje. Në orën 11:05 lëvizje dëshpëruese. Në fillim denoncimi, pastaj dëshmitarët, pastaj nga ti. Ajola duhet t’i shkruajë 'KM'. Në orën 11:10 bisedon me Ajolën dhe i thotë t’i thotë Ramës se për kokën e Erionit janë kërkuar 2 milionë euro. E frikshme. I thotë: Betohu për kokën e Erionit. Këta janë këllira mediatike. Pjesë e një grupi të strukturuar kriminal në media. Publikohet nga një portal gjobaxhinjsh që Ols Dado ka marrë 2 milionë euro. Del lajmi që Engert Pëllumbi ka marrë 23 milionë euro. E marrin e riprodhojnë dhe Carlo dhe Mero. E gjitha e inskenuar. Njeriu që ka dirigjuar sulmin ndaj prokurorëve është Erion Veliaj.
Më 5 mars 12:28 ngatërron xhaminë. Me shokët tanë ke folur thotë, se unë fillova agjërimin. Duhet vajtur andej nga Rruga e Kavajës. 'Aty te xhamia duhet marrë içik 'feedback''. E kupton me çfarë mostra politikanë kemi të bëjmë. Në orën 14:12 Arbri i thotë shkova u fala, fillova dhe unë agjërimin. Kur ishte çështja e agjërimit e shpalli publikisht që mbante Ramazan. E bëntë për propagandë. Të gjitha të parapërgatitura. Sot u fokusuam te një detaj tjetër. Erion Veliaj thotë: 'Fol me Fatmirin dhe gjithë të tjerët'. Konsideron deputetët dhe bashkinë si ushtri”, deklaroi Fundo.
Po ashtu, gazetari Elvi Fundo foli edhe për urdhrin e Veliajt që të bëhej presion ndaj KLP-së. Fundo u shpreh se në një vend tjetër nëse do të ishin publikuar këto përgjime, ku urdhërohej presion ndaj institucioneve nga një zyrtar i lartë, shteti do të kishte rënë.
“'E papranueshme, reagimi i KLP-së. Shko bisedo me miqtë deputetë'. Në një vend normal do të kishte rënë shteti”, tha Fundo./ CNA
