E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Denoncimi i PD-së/ "'Eco Riciklim' drejton monopolin e tenderëve të MSH"

6 Prill 2025, 15:39, Denoncim CNA

Denoncimi i PD-së/ "'Eco Riciklim' drejton monopolin e

Partia Demokratike ka denoncuar se kompania Eco Riciklim drejton monopolin e procedurave tenderuese me objekt asgjësimin e mbetjeve spitalore të prokuruara nga MSH dhe institucionet e varësisë. Zëdhënësja e Antikorrupsionit në PD, Genta Vangjeli thotë se tenderi i fundit kishte vlerën e 1.7 mln euro. Kjo kontratë ka vlerën më të lartë krahasuar me të gjitha kontratat e tjera të regjistruara në databazën e ‘Open Procurement’ për procedurat e kësaj natyre.

"Eco Riciklim drejton monopolin e procedurave tenderuese me objekt asgjësimin e mbetjeve spitalore të prokuruara nga MSH dhe institucionet e varësisë. Para disa ditësh në buletinin e APP së, nr.14, datë 25 Mars 2025 u publikua njoftimi i fituesit nga QSUNT për operatorin e vetëm pjesëmarrës në garë, Eco Riciklim, me objekt: ‘Trajtim dhe asgjësim i mbetjeve spitalore të rrezikshme për 24 muaj (kodet 18.01.01, 18.01.03, 18.01.08)’, me vlerë të ofertës 100 % të fondit limit.

Kontrata e mësipërme kulmon me vlerën më të lartë krahasuar me të gjitha kontratat e tjera të regjistruara në databazën e ‘Open Procurement’ për procedurat e kësaj natyre"

Denoncimi i PD-së/ "'Eco Riciklim' drejton monopolin e

Vangjeli nënvizoi se Eco Riciklim e Arbër Teqja ka fituar 5.6 milion euro për kontrata publike nga MSH dhe institucionet e varësisë.

"Sipas Spending Data vetëm me Eco Riciklim, Arbër Teqja ka fituar 5.6 milion euro për kontrata publike nga MSH dhe institucionet e varësisë, përfshirë edhe QSUNT ku punon e ëma si nëndrejtoreshë", denoncoi Vangjeli.

PD nënvizon se prokurorët duhet të verifikojnë ligjshmërinë e zhvillimit të këtyre procedurave dhe përfituesit fundorë të këtyre parave publike.

"Prokurorët të verifikojnë ligjshmërinë e zhvillimit të këtyre procedurave dhe përfituesit fundorë të këtyre parave publike.

Pas një viti nga dorëzimi i kallëzimit penal në SPAK dhe pas disa denoncimesh të vazhdueshme të PD, fenomeni nuk është ndalur. Vijohet me gjoja gara publike duke keqmenaxhuar fondet publike.

Atëherë çfarë emri duhet t’u vëmë këtyre prokurorëve specialë?

Janë duke punuar kundra korrupsionit apo kanë lidhje speciale me të", tha Vangjeli./CNA